युगेंद्र पवार आणि तनिष्का कुलकर्णी यांचा मुंबईत पारंपरिक पद्धतीने होणार साखरपुडा.
युगेंद्र पवार यांच्या साखरपुड्या निमित्त पवार कुटुंब पुन्हा एकत्र.
शरद पवार, अजित पवार, सुप्रिया सुळे आणि रोहित पवार राहणार उपस्थित.
काही दिवसांपूर्वी जय पवार यांचा साखरपुडा पुण्यात पार पडला होता.
पवार कुटुंबीयांमध्ये सध्या आनंदाचे वातावरण आहे. लवकरच पवार कुटुंबीयांच्या घरामध्ये दोन नव्या पाहुण्या येणार आहे. काही दिवसांपूर्वी अजित पवार यांचे सुपुत्र जय पवार यांचा मोठ्या थाटामाटामध्ये पुण्यात साखरपुडा पार पडला होता. त्यानिमित्ताने पवार कुटुंबीय एकत्र आले होते. आज पुन्हा पवार कुटुंबीय एकत्र येणार आहेत. यामागचे कारण म्हणजे अजित पवार यांचे भाऊ श्रीनिवास पवार यांचे चिरंजीव आणि युवा नेते युगेंद्र पवार यांचा आज साखरपुडा होणार आहे. मुंबईतील प्रभादेवी येथे युगेंद्र पवार आणि तनिष्का कुलकर्णी यांचा सारखपुडा होणार आहे. या निमित्ताने संपूर्ण पवार कुटुंबीय एकत्र येणार आहेत.
मिळालेल्या माहितीनुसार, उपमुख्यमंत्री अजित पवार यांचा मुलगा जय पवार यांच्या साखरपुड्यानंतर आता बंधू श्रीनिवास पवार यांचे चिरंजीव युगेंद्र पवार यांचाही आज पारंपारिक पद्धतीने साखरपुडा होणार आहे. मुंबईतल्या प्रभादेवीमधील तनिष्का कुलकर्णीच्या निवासस्थानी साखरपुडा पार पडणार आहे. या कार्यक्रमाला राष्ट्रवादी काँग्रेसचे सर्वेसर्वा शरद पवार, उपमुख्यमंत्री अजित पवार, खासदार सुप्रिया सुळे आणि आमदार रोहित पवार यांच्यासह पवार कुटुंबातील सदस्य आणि जवळचा मित्रपरिवार उपस्थित राहणार आहे.
उपमुख्यमंत्री अजित पवार यांचे चिरंजीव जय पवार यांच्या साखरपुड्या निमित्त बऱ्याच वर्षांनंतर पवार कुटुंबीय एकत्रित आले होते. त्यानंतर आता श्रीनिवास पवार यांचे चिरंजीव युगेंद्र पवार यांच्या साखरपुड्यानिमित्त पवार कुटुंबीय मुंबईत एकत्रित येणार आहे. याकडे सर्वांचे लक्ष लागले आहे. युगेंद्र आणि तनिष्का यांचा साखरपुड्याचा सोहळा पारंपरिक पद्धतीने पार पडणार असल्याचे सांगितले जात आहे.
दरम्यान, युगेंद्र पवार हे तरुण नेते असून काही महिन्यांपूर्वीच त्यांनी सक्रीय राजकारणात एन्ट्री केली. सामाजिक कार्यातही त्यांचा सक्रीय सहभाग आहे. तर त्यांची होणारी बायको तनिष्का कुलकर्णी या देखील सुशिक्षित आणि संस्कारी कुटुंबातून येत आहेत. त्यांचे व्यक्तिमत्त्व अत्यंत दिलखुलास असल्याचे सांगितले जात आहे. सध्या युगेंद्र पवार आणि तनिष्का यांच्यावर शुभेच्छांचा वर्षाव होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.