संजय गडदे

Mumbai News : व्यावसायिक राजकुमार सिंग यांना अपहरण करून बंदुकीच्या धाकावर धमकावल्या प्रकरणी मुंबईच्या वनराई पोलिसांनी गुन्हा दाखल करण्यात आला आहे. काल तीन आरोपींना अटक केली होती. या तीनही आरोपींना आज न्यायालयात हजर केली असता त्यांना 14 तारखेपर्यंत पोलीस कोठडी सुनावली आहे.

आरोपी मनोज मिश्रा चेतन सिंग आणि विपुल सिंग या तीन आरोपींना वनराई पोलिसांनी अटक केली होती. याप्रकरणी आमदार प्रकाश सुर्वे यांचा मुलगा राज सुर्वे अद्यापही फरार असून वनराई पोलीस राज सुर्वे सह इतर 6 ते 7 जणांचा शोध घेत आहेत.

या घटनेत वापरलेली बंदूक, प्रकाश सुर्वे यांच्या कार्यालयातील सीसीटीव्ही फुटेज आणि बळजबरीने स्वाक्षरी केलेले स्टॅम्प पेपर जप्त करण्यात यावे, अशी मागणी आज आम्ही न्यायालयाकडे केली आहे. (Latest marathi News)

एवढेच नाही तर बिहारमधील या तिघांना मुंबईत कोणी रूम बुक केले, प्रकाश सुर्वे यांचा मुलगा राज सुर्वे याच्याशी त्यांची ओळख कोणी करून दिली, मुंबईत या तीन आरोपींना कोणी मदत केली, या सर्वांची चौकशी झाली पाहिजे. (Political News)

या प्रकरणी सध्या मुंबईतील वनराई पोलिसांनी मनोज मिश्रा, पद्माकर, राज सुर्वे आणि विकी शेट्टी यांच्यासह १० ते १२ जणांविरुद्ध एफआयआर दाखल केला आहे. त्यापैकी मनोज मिश्रा, विपुल सिंग, चेतन सिंग यांना काल विमानतळावरून अटक करून आज बोरिवली न्यायालयात हजर केले असता त्यांना १४ तारखेपर्यंत पोलीस कोठडी मिळाली आहे.