मुंबई/पुणे

Kalyan News : बिल्डिंग 3 मजल्याची अन् नोटीस चौथ्या पाचव्या मजल्याला नोटीस, मालकही चक्रावले; KDMCचा अजब कारभार

Kalyan News : महापालिकेची नोटिस प्राप्त होताच शेख कुटुंबियांना धक्काच बसला.

साम टिव्ही ब्युरो

अभिजीत देशमुख

Kalyan News: अधिकाऱ्यांच्या ढिसाळ कारभारामुळे कायमच चर्चेत असणारी कल्याण डोंबिवली महापालिका पुन्हा एकदा चर्चेत आली आहे. पालिकेच्या अधिकाऱ्यांनी आपल्या जागेवर झालेल्या अनधिकृत बांधकामाची तक्रार करणाऱ्या इसमालाच तुमच्या इमारतीचा चौथा आणि पाचवा मजला अनधिकृत असल्याची नोटीस पाठवून कागदपत्रांची मागणी केली.

या नोटीसमुळे इमारत मालक देखील चक्रावून गेला असून इमारत तीन माळ्याची असताना चौथ्या पाचव्या माळ्याची कागदपत्र आणायचे कुठून असा सवाल आता इमारत मालकाने उपस्थित केला आहे. (Latest News Update)

कल्याण पश्चिमेतील जोशी बाग परिसरात शेख नावाची इमारत आहे. ही इमारत तीन मजली आहे. या इमारतीच्या तळ मजल्यावर एक रुम विकण्यात आला आहे. या रुम मालकाने इमारतीच्या मालकाला विश्वासात न घेता इमारतीच्या जागेत एक शौचालय बांधले आहे. या बेकायदा शौचालायची तक्रार शेख कुटंबियांनी महापालिकेला केली आहे.

या तक्रारीनंतर शेख या इमारतीच्या विरोधात देखील तक्रार करण्यात आली. केडीएमसीच्या क प्रभागातील अधिकाऱ्यानी बेकायदा शौचालयाच्या विरोधात कारवाई केली नाही. दुसरीकडे शेख इमारतच धोकादायक असल्याचे सांगत इमारतीचा चौथा आणि पाचवा मजला अनधिकृत असल्याची नोटिस पाठवून या संदर्भात अहवाल सादर करा असे सांगितले गेले. (Kalyan News)

महापालिकेची नोटिस प्राप्त होताच शेख कुटुंबियांना धक्काच बसला. शेख इमारत ही केवळ तीन मजली आहे. चौथा आणि पाचवा मजला अस्तित्वात नाही. केडीएमसीच्या या भोंगळ कारभाराविषयी अतिरिक्त आयुक्त मंगेश चितळे यांच्याकडे विचारणा केली असता त्यांनी या प्रकरणी आश्चर्य व्यक्त करत काही बोलण्यास नकार दिला. दरम्यान अधिकाऱ्यांच्या ढिसाळ कारभारामुळे कल्याण डोंबिवली महानगर पालिका पुन्हा एकदा चर्चेत आली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Kolhapur Mahadevi Elephant: महादेवी' हत्तीणीचा वनताराकडे प्रवास सुरू; ग्रामस्थ भडकले पोलीस गाड्यांची तोडफोड

Bachchu Kadu: श्रीकृष्णाने कालियाला ठेचलं, तसं आम्ही सरकारचं नागधोरण ठेचू" – बच्चू कडूंचा इशारा | VIDEO

Maharashtra Politics: महामंडळावर निवडणुकीनंतरच नियुक्ती, इच्छुकांच्या पदरी पुन्हा निराशा

Pandharpur News: चंद्रभागेच्या पाण्याची तीर्थ म्हणून विक्री; सुरक्षा कर्मचाऱ्यांचा गोरखधंदा उघड

Maharashtra Politics :...तर सोलापुरातून तिरुपतीसाठीही विमान सेवा सुरू होणार; जयकुमार गोरेंचा प्रणिती शिंदेंना टोला

SCROLL FOR NEXT