संजय गडदे

Mumbai News : मुंबईच्या अंधेरी पूर्वेकडील मरोळ भागामधून एक धक्कादायक घटना समोर आली आहे. मरोळ भागातील एका उंच इमारतीच्या 22 व्या मजल्यावरून पडून एका 14 वर्षीय मुलाचा मृत्यू झाला आहे.

वसंत ओएसिस असं या इमारतीचे नाव असून अमेरिकेतील प्रसिद्ध डॉक्टर अगरवाल यांचा हा मुलगा आहे. तो नुकताच आपल्या आईबरोबर मुंबईत सुट्टी घालवण्यासाठी आला होता. मात्र परवा संध्याकाळी इमारतीच्या 22 व्या मजल्यावरुन पडून त्याचा जागीच मृत्यू झाला आहे.

घटनेची माहिती मिळताच एमआयडीसी पोलिसांनी घटनास्थळावर दाखल होऊन मुलाच्या मृतदेहाचे शवविच्छेदन करण्यासाठी पालिकेच्या विलेपार्ले येथील कृपा रुग्णालयात पाठवला. सुरुवातीला एमआयडीसी पोलिसांनी वेगळ्या अँगलने या घटनेचा तपास केला.  (Latest Marathi News)

मोबाईलवर गेम खेळताना घडली घटना

मात्र प्राथमिक माहितीनुसार तो मुलगा डिप्रेशनमध्ये होता. मोबाईलवर गेम खेळत असताना खाली पडून त्याचा मृत्यू झाला असल्याचे तपासात पुढे आले आहे. याप्रकरणी एमआयडीसी पोलिसांनी एडीआर दाखल केला असून अधिक तपास करत आहेत.