दिवा: दिवा-आगासन रस्त्याच्या गलथान कारभार विरोधात भाजपने आज दातीवली येथे निषेध आंदोलन केले आहे. दिवा-आगासन रस्त्यावर (Diva-Agasan Road) अपूर्ण कामांमुळे नागरिकांना अनेक समस्यांना सामोरे जावे लागत आहे. अपघातात नागरिकांना जीव गमवावा लागत आहे. वाहतूक कोंडी (Traffic) अर्धवट कामामुळे होते. याशिवाय अनेक ठिकाणी गलथान कारभारामुळे आजही अपघाताची शक्यता अधिक आहे. (BJP's protest agitation against incomplete management of Diva-Agasan road)

हे देखील पहा -

नुकताच एका तरुणाला रस्त्याच्या गलथान कारभारामुळे जीव गमवावा लागला. वारंवार मागणी करूनही हा रस्ता वेळेत पूर्ण केला जात नाही. या रस्त्याचे काम लवकरात लवकर पूर्ण करावे अशी मागणी भाजपचे (BJP) पदाधिकारी रोहिदास मुंडे यांनी यावेळी केली. 5 लाख दिवावासीयांच्या सुरक्षित प्रवासासाठी दिवा आगासन रस्ता लवकरात लवकर पूर्ण होणे गरजेचे आहे, असेही भाजपचे रोहिदास मुंडे यांनी सोमवारी निषेध आंदोलन (Agitation) करते वेळी सांगितले. दिवा-आगासन रस्त्याचे काम अर्धवट स्थितीत असल्याने हा रस्ता अपघात व वाहतूक कोंडीचा रस्ता झाला आहे, असे रोहिदास मुंडे यांनी यावेळी सांगितले. तसेच मागील काही वर्षांत हा रस्ता पूर्ण होऊ शकला नाही.रस्त्याच्या दुतर्फा फेरीवाले बसवण्यात येतात.

नागरिकांना चालण्यास जागा उपलब्ध नाही याकडे सत्ताधारी लोकांचे लक्ष नाही असा आरोपही मुंडे यांनी केला आहे. या आंदोलनात भाजपचे ठाणे जिल्हा उपाध्यक्ष निलेश पाटील, विजय भोईर, सचिन भोईर, रोशन भगत, जयदीप भोईर यांच्यासह प्रमुख पदाधिकारी उपस्थित होते.

Edited By - Akshay Baisane