Shivsena vs BJP : गेल्या काही दिवसांपासून शिवसेना उद्धव बाळासाहेब ठाकरे (Uddhav Thackeray) गटातील आमदार भास्कर जाधव आणि राणे कुटुंबीय यांच्यात शाब्दिक वाद सुरू आहे. या दोघांमध्ये आरोप प्रत्योरापाचा कलगितूरा रंगला असताना भाजप आमदार प्रसाद लाड (Prasad Lad) यांनी या वादात उडी घेतली आहे. भास्कर जाधव हे उद्धव ठाकरे यांची आयटम गर्ल असल्याचं वादग्रस्त विधान प्रसाद लाड यांनी केलं आहे.

काय म्हणाले प्रसाद लाड?

'चित्रपट बॉक्स ऑफिसवर चालावा म्हणून एक आयटम साँग असतं. अगदी तशाच प्रकारे भास्कर जाधव हे आयटम गर्ल आहेत, असा हल्लाबोल प्रसाद लाड यांनी केला. संविधान बचाव रॅलीच्या माध्यमातून बोलताना प्रसाद लाड यांनी भास्कर जाधव यांच्यावर निशाणा साधला.

'मी भास्कर जाधव यांचं भाषण ऐकलं. ते खूप नाटक करतात, भास्कर जाधव यांचं नाव आयटम गर्ल ठेवुया. अशी बोचरी टीका प्रसाद लाड यांनी केली. चित्रपट बॉक्स ऑफिसवर चालावा म्हणून एक आयटम साँग असतं. अगदी तशाच प्रकारे उद्धव ठाकरेंचे भास्कर जाधव हे आयटम गर्ल आहेत', असं वादग्रस्त विधान प्रसाद लाड यांनी केलं.

इतकंच नाही तर, उद्धव ठाकरे यांच्यात एवढीच ताकद होती, तर भास्कर जाधव यांना मंत्री का केलं नाही? असा सवालही लाड यांनी उपस्थित केला. उद्धव ठाकरे यांच्याबरोबर भास्कर जाधव यांचा बदला घेतल्याशिवाय आपण गप्प बसायचं नाही, असंही प्रसाद लाड यांनी म्हटलं आहे.

Edited By - Satish Daud