मुंबई महानगरपालिकेच्या निवडणुकीत 89 जागा जिंकून सर्वात मोठा पक्ष ठरलेल्या भाजपनं आता थेट 'मिशन महापौर' हाती घेतलयं....गेल्या 25 वर्षांपासून शिवसेनेचं वर्चस्व असणाऱ्या मुंबई महापालिकेवर भाजपचा महापौर बसवण्याचा मुहूर्त ठरलाय...एकीकडे शिंदेसेनेच्या अडीच वर्षांसाठी महापौर पदाच्या मागणीची चर्चा सुरू असतानाच दुसरीकडे राज्यातील भाजप नेते नवनिर्वाचित राष्ट्रीय अध्यक्ष नितीन नबीन यांच्या पदभार समारंभासाठी दिल्लीत पोहचलेत त्यामुळे आता मुंबईच्या महापौर पदासंदर्भात भाजप हायकमांडनं नेमके काय आदेश दिलेत? पाहूयात...

महापौरपदासाठी मुहूर्त ठरला

महापौरपदावर भाजपचाच हक्क असल्याचे शिंदेसेनेसमोर ठामपणे मांडा

कार्यकर्त्यांच्या भावनांचा सन्मान राखतानाच मित्रपक्षांशी कटुता टाळा

मुंबई महापालिकेच्या महापौरपदासाठी कोणतीही तडजोड करू नका

30 जानेवारीला भाजपचा महापौर मुंबईची सूत्र सांभाळेल

दुसरीकडे मुंबई महापालिकेत अडीच वर्षांसाठी महापौरपद मिळालं नाही तर शिंदेसेना भाजपला शह देण्याच्या तयारीत असल्याचीही जोरदार चर्चा आहे. आणि त्यासाठी कल्याण डोबिवली तसंच उल्हासनगर महापालिकेत शिंदेसेना अडून बसेल. या दोन महापालिकांमध्ये शिंदेसेना भाजपची कशी कोंडी करू शकते पाहूयात...

उल्हासनगर महापालिकेत भाजपकडे 37 तर शिंदेसेनेकडे 36 जागा आहेत... त्यामुळे शिंदेसेनेनं उल्हासनगर महापालिकेत महापौर बसवण्यासाठी थेट 2 जागा असणाऱ्या वंचित बहुजन आघाडीशी युती कऱण्यासंदर्भात चर्चा सुरु केलीय...

तर दुसरीकडे कल्याण-डोंबिवली महापालिकेत भाजपनं 50 तर शिंदेसेनेनं 53 जागांवर विजय मिळवलाय...त्यामुळे शिंदेसेना महापौर पद आपल्या ताब्यात ठेवण्यासाठी ठाकरेसेनेच्या 11 नगरसेवकांनी पक्षांतर करावं यासाठी प्रयत्न करतेय... त्यामुळे या महापालिकांमध्ये शिंदेसेना भाजपची कोंडी करु शकतो..

दरम्यान ठाणे महापालिकेतही भाजपला 2 वर्षांसाठी महापौरपद हवं असल्यानं स्थानिक नेत्यांमध्ये महापौरपदावरून चांगलाच वाद पेटलाय...त्यामुळेच मुंबईतील सत्तास्थापनेच्या गोळाबेरजेचा थेट परिणाम राज्यातील इतर महापालिकांमध्ये दिसण्याची शक्यता आहे... आता भाजप आणि शिंदेसेनेतील हा अंतर्गत वाद कसा शमणार? हे पाहणं महत्त्वाचं ठरणार आहे.