Narayan Rane On Uddhav Thackeray : मुंबईत शिवतीर्थावरील शिवसेनेच्या (Shivsena) दसरा मेळाव्यात उद्धव ठाकरे (Uddhav Thackeray) यांनी भाजप आणि पंतप्रधान नरेंद्र मोदी, केंद्रीय गृहमंत्री अमित शहा यांच्यावर केलेल्या टीकेला भाजप नेते आणि केंद्रीय मंत्री नारायण राणे (Narayan Rane) यांनी आज, शुक्रवारी पत्रकार परिषद घेऊन प्रत्युत्तर दिले. यंदाचा मेळावा म्हणजे तमाशा होता, असा हल्लाबोल राणे यांनी उद्धव ठाकरेंवर केला.

शिवाजी पार्कवरील दसरा शिमग्यासारखा साजरा झाला. शिमग्याला शिव्या द्यायचे काम होते. पवित्र शिवाजी पार्कवर उद्धव ठाकरे यांनी शिव्या दिल्या गेल्या. उद्धव ठाकरे यांच्या भाषणात वैचारिक बौद्धिक सोनं नव्हतं, असं नारायण राणेंनी म्हटलं. (Latest Marathi News)

उद्धव ठाकरे यांना इतरांवर टीका केली म्हणजे मोठे होता येते असे वाटते. आम्ही आमच्या नेत्यांबाबत कुणी बोललेलं ऐकूण घेणार नाहीत. तसेच तोंड बंद केले नाही आणि कायदा सुव्यवस्था बिघडली तर त्याला तुम्ही जबाबदार राहाल, असा इशाराही त्यांनी दिला.

370 कलम अमित शहा यांनी हटवले आणि म्हणतात ते या राज्यातून त्या राज्यात फिरतात. नरेंद्र मोदी यांचे फोटो लावून निवडून आलात आणि आता टीका करता का? असा सवाल नारायण राणेंनी उपस्थित केला.

तुम्ही अपघाताने झालेले मुख्यमंत्री आहात. मराठी माणसांसाठी तुम्ही काय केले हे उद्धव ठाकरे यांनी सांगावे. दसरा मेळाव्यात उद्धव ठाकरे बोलत होते आणि लोक मैदानातून बाहेर पडत होते. बाळासाहेब बोलायचे त्यावेळी सगळे लोक ऐकायचे, असं नारायण राणेंनी सांगितलं.