जोगेश्वरी पश्चिम ओशिवरा येथे बेस्ट बसचा अपघात झाला.
भरधाव बसची उभ्या असलेल्या रिक्षा, टेम्पो आणि बाईकला धडक.
पोलिसांनी घटनास्थळी पोहचले असून अपघाताचा तपास केला जातोय.
संजय गडदे, साम प्रतिनिधी
मुंबईच्या जोगेश्वरी पश्चिम ओशिवरा परिसरात बेस्ट बसचा अपघात झालाय. भरधाव वेगाने जात असलेली बेस्ट बसने रिक्षा, टेम्पो आणि बाईकला जोरदार धडक दिली. या अपघातात तीन गाड्यांचा मोठा नुकसान झालं तर टेम्पो रिक्षा बाईक चालक असे 4 ते 5 जण जखमी झाले आहेत. अपघातानंतर बेस्ट बस चालक फरार होण्याचा प्रयत्न करत होता. त्यावेळी मनसेचे कार्यकर्त्यांनी त्याला पकडून ओशिवरा पोलिसांच्या ताब्यात दिलं.
दरम्यान बस चालक दारू पिऊन बस चालवत असल्याचा मनसेचा आरोप आहे. 224 असा बेस्ट बसचा नंबर आहे. ही बस गोराईवरून सांताक्रुजला बस जात होती. त्यावेळी वाटेतच बसने तीन वाहनांना धडक दिली. यात 5 जण जखमी झालेत. बस चालकाचे नाव काय आहे, याची माहिती अद्याप समोर आली नाहीये.
मुंबई- पुणे एक्सप्रेसवेवर एक भीषण अपघात घडल्याची घटना घडलीय. चालकाला डुलकी लागल्याने हा अपघात घडलाय. या अपघातात एकूण पाच जण जखमी झाले. त्यापैकी एकाची प्रकृती चिंताजनक आहे. मिळालेल्या माहितीनुसार, पुण्याहून मुंबईकडे जात असताना मुंबई- पुणे एक्सप्रेसवेवर चार चाकी गाडीच्या वाहनचालकाला झोप लागली.
त्यामुळे गाडीवरील नियंत्रण सुटलं. यादरम्यान गाडी टोल नाक्यावरील डिव्हाडर येऊन आदळली. या घटनेत पाच जण जखमी झालेत. दरम्यान पोलिसांनी स्थानिक नागरिकांच्या मदतीने जखमींना कामोठे येथील एमजीएम हॉस्पीटलमध्ये उपचारासाठी दाखल केलं. हा अपघात इतका भीषण होता की, गाडीच्या पुढील भागाचा चक्काचूर झाला. या अपघातात कोणतीही जीवितहानी झालेली नाहीये.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.