सागर आव्हाड, साम टीव्ही प्रतिनिधी

पुणे : राज्यातील सर्वच बँकेत लाडकी बहीण योजनेच्या लाभार्थी महिलांची झुंबड पाहायला मिळत आहे. लाडकी बहीण योजनेचा हप्ता मिळाल्यानंतर महिलांची बँक खात्यातून पैसे काढण्याची लगबग सुरु आहे. या योजनेचा हप्ता मिळाल्याचा आनंद साजरा करताना काही महिलांच्या बँक खात्यातील पैसे बँकांनी कापण्यास सुरुवात केली आहे. बँकांनी खात्यात किमान शिल्लक रक्कम नसल्याचं कारण देत पैसे कापले आहे. बँकांनी खात्यातील पैसे कापल्याने लाडक्या बहिणींच्या डोळ्यात पाणी आलं आहे. या प्रकरणात बँकानी थेट राज्य सरकारच्या सूचना पायदळी तुडवल्याचे समोर आले आहे.

मुख्यमंत्री लाडकी बहीण योजनेचे पैसे मिळूनही सर्व बँकेने काही महिलांच्या डोळ्यात पाणी आणलं आहे. या योजनेसंबंधित सरकारच्या सूचना असतानाही बँकांनी बहिणींचे खात्यातील पैसे कापले आहेत. सरकारने सूचनेनंतही बँकांनी लाभार्थी महिलांच्या खात्यातील पैसे कापले आहेत.

सरकारने बहिणींच्या खात्यात पैसे टाकले. त्यानंतर बँकेत पैसे काढण्यासाठी गेलेल्या काही लाडक्या बहिणींच्या पदरी निराशा आली. काही बँकांनी अनेक बहिणींचे पैसे कापले आहेत. बँकांनी बहिणींना वेगळंच उत्तर दिलं. 'तुमचे खाते बंद आहे, त्यामुळे पैसे कापल्याचे बँकांनी सांगितले. खात्यातील पैसे कापल्याने अनेक बहिणींची निराशा झाली. खात्यातील पैसे न कापण्याच्या सूचना महिला आणि बाल विकास विभागाकडून बँकांना दिल्या होत्या. त्यानंतर बँकांनी पैसे कापले होते.

सरकारकडून सूचना असतानाही लाभार्थ्यांचे कर्ज थकीत असले तरीही मुख्यमंत्री माझी लाडकी बहीण योजनेअंतर्गत मिळालेले पैसे त्या कर्जासाठी वजा करता येणार नाहीत, अशा सूचना असतानाही बँकांनी कापल्याने बहिणींच्या डोळ्यात पाणी आलं.

यावेळी लता सोनवणे म्हणाल्या की, मी बँकेकडून कर्ज घेतलेलं होतं. माझ्या खात्यात पैसे आले. मी पैसे काढण्यासाठी गेले. त्यावेळी बँकेने मला पैसे मिळणार नाही, असे सांगितलं. तुमचे पैसे कर्जामध्ये कापले गेले, असं सांगितलं. भावाने पाठवलेल्या पैशांवर बँकांचा अधिकार नाही, त्याच्यावर माझाच अधिकार आहे, असं त्यांना सांगितलं. तरीही त्यांनी माझे पैसे कापले. मी बँकेचे नियमित कर्ज भरते, तरी माझे पैसे का कापले, मला माझे पैसे परत मिळावेत, अशी मागणी मी मुख्यमंत्री आणि दोन्ही उपमुख्यमंत्र्यांकडे करत आहे'.