अभिजीत देशमुख

Kalyan News : कल्याणमधून एक संतापजनक प्रकार समोर आला आहे. कल्याण पूर्वेत भररस्त्यात अल्पवयीन मुलीवर अत्याचाराचा प्रयत्न झाल्याची घटना घडली आहे. कोळसेवाडी पोलिसांनी आरोपीला बेड्या ठोकल्या आहेत.

क्लासहून परतणाऱ्या एका अल्पवयीन विद्यार्थिनीवर एका सराईत गुन्हेगाराने अत्याचाराचा प्रयत्न केल्याची घटना कल्याण पूर्व परिसरात घडली. या प्रकरणी आरोपी विशाल या नराधमाला कोळसेवाडी पोलिसांनी बेड्या ठोकल्या आहेत.

धक्कादायक बाब म्हणजे विशालने या मुलीचा स्कुटीने पाठलाग केला. त्यानंतर एका कोपऱ्यात तिला खेचत नेले तिच्यावर अत्याचार करण्याचा प्रयत्न केला. (Latest Marathi News)

पीडित विद्यार्थीनीने तिची सुटका करुन घेतली. त्यानंतर तिच्यासह तिच्या पालकांनी कोळसेवाडी पोलीस ठाणे गाठले. पोलिसांनी या प्रकरणाची गंभीर दाखल घेत तातडीने आरोपी विशालच्या मुसक्या आवळल्या.

आरोपीला अटक करून पोलीस ठाण्यात आणले असता त्याने केलेल्या कृत्याविषयी जरा देखील पश्चाताप दिसत नव्हता.विशाल याचा माज इतका आहे की पत्रकारांच्या कॅमेऱ्याकडे बघून त्याने Victory ची साईन दाखवली. (Crime News)

आरोपी विशाल हा सराईत गुन्हेगार आहे. याआधी देखील आरोपीविरोधात बलात्कार, विनंयभंगाचे पोक्सो अंतर्गत गुन्हे दाखल आहेत. याशिवाय आरोपीवर चोरी आणि लुटीचे देखील गुन्हे दाखल आहेत. विशालला याआधी तडीपार देखील करण्यात आले होते.