मुंबई: सध्या अटकेत असलेल्या राणा दाम्पत्याच्या भेटीसाठी खार पोलीस ठाण्यात गेलेले भाजप नेते किरीट सोमय्या यांच्या कारवर हल्ला झाल्याची घटना घडली. जमावानं त्यांच्या कारवर दगडफेक केली. त्यानंतर सोमय्या यांच्या कारची काच फुटली. ती काच सोमय्या यांच्या हनुवटीवर लागली. यात ते जखमी झाले. हा हल्ला शिवसैनिकांनी केल्याचा आरोप किरीट सोमय्या यांनी केला.

भाजप नेते किरीट सोमय्या राणा दाम्पत्याच्या भेटीला गेले होते. तेव्हा त्यावेळी शिवसैनिकही उपस्थित होते. शिवसैनिकांनी सोमय्यांच्या विरोधात जोरदार घोषणाबाजी केली आहे. किरीट सोमय्या खार पोलिस स्टेशनमधून निघून बांद्रा पोलिस स्टेशनला जात असताना त्यांच्या गाडीवर हल्ला झाला. यात त्यांच्या गाडीची काच फुटली असून ते जखमी झाले आहेत. जोपर्यंत हल्लाकरणाऱ्या शिवसैनिकांना अटक होत नाही तोपर्यंत गाडीतून उतरणार नाही असा पवित्रा सोमय्या यांनी घेतला आहे.

दरम्यान कलम १५३ (A) अंर्तगत राणा दाम्पत्याला अटक करण्यात आली आहे. राणा दाम्पत्यावरील कारवाई बेकायदेशीरअसल्याचे मत राणांच्या वकिलांनी व्यक्त केले होते. नवनीत राणा, रवी राणा यांना खार पोलीस स्टेशनमध्ये नेल्यानंतर त्यांनी उद्धवठाकरेंविरोधात शिवीगाळ केली आहे. त्यामुळे आता याचीही तक्रार शिवसेना ठिकठिकाणी दाखल करत आहे.