भरत मोहोळकर, साम टीव्ही

मुंबई : लोकसभेतील पराभवानंतर कधी बारामती, कधी शिरुर तर कधी कर्जत जामखेड अशा वेगवेगळ्या मतदारसंघातून लढण्याची चर्चा असलेल्या अजित पवारांचा अखेर मतदारसंघ ठरलाय... तर 29 ऑक्टोबरला अजित पवार बारामतीतून आपला उमेदवारी अर्ज दाखल करत शक्तीप्रदर्शन करणार असल्याचं समोर आलंय.

अजित पवारांनी 1991 सलग 7 वेळा बारामती विधानसभा मतदारसंघाचं नेतृत्व केलंय. तर आता आठव्यांदा अजित पवार बारामतीतूनच लढणार असल्याचं स्पष्ट झालंय. मात्र अजित पवारांची राजकीय कारकीर्द कशी आहे? पाहूयात...

अजित पवारांची राजकीय वाटचाल?

1991 बारामती मतदारसंघातून खासदार

1991 ते 2019 सलग 7 वेळा बारामतीतून आमदार

1991-92 कृषि राज्यमंत्रिपदाची जबाबदारी

1992 -95 जलसंधारण आणि ऊर्जा राज्यमंत्रिपदावर काम

1999-2004 - पाटबंधारे आणि फलोत्पादन मंत्री

2004-2014- जलसंपदा मंत्री म्हणून काम

2010-2012- उपमुख्यमंत्रिपदाची जबाबदारी

2012-2014 दुसऱ्यांदा उपमुख्यमंत्री

2019 - 80 तासांसाठी तिसऱ्यांदा उपमुख्यमंत्रिपद

2019-2022- महाविकास आघाडीत चौथ्यांदा उपमुख्यमंत्रिपद

2023-2024 महायुती सरकारमध्ये पाचव्यांदा उपमुख्यमंत्री

अजित पवार बारामतीतून लढणार हे स्पष्ट झालं असलं तरी शरद पवारांच्या पक्षाकडून इच्छूक असलेले आणि दादांचे पुतणे युगेंद्र पवारांची भूमिका अजूनही गुलदस्त्यात आहे. त्यामुळे युगेंद्र पवार दादांविरोधात मैदानात उतरून आव्हान देणार की पवार कुटुंबाबाहेरचा उमेदवार रिंगणात उतरवणार? याकडे लक्ष लागलंय..