मुंबई - महापालिका (BMC) मुख्यालयाच्या प्रवेशद्वारावर सध्या दोन खासगी कंपन्यांचे हवा शुद्धीकरणाचे मशीन गेल्या १५ दिवसापासून लावण्यात आले आहेत. प्रदूषित हवेचं शुद्धीकरण (Air Pollution) करण्यासाठी हे मशीन लावण्यात आलेत. दोन वेगवेगळ्या कंपन्यांनी हे मशीन लावले असून मागील १५ दिवसात हवा शुद्ध करण्यासाठी या मशीन किती परिणामकारक ठरल्यात, किंवा हवेतील प्रदूषित घटक किती होते आणि ते कमी करण्यात किती यश आलं आहे, याचा अहवाल आता येणं बाकी आहे . हे दोन्ही हवा शुद्धीकरणाच्या मशीन पैकी एक मशीन आवाज करणारी असल्याने हवा शुद्धीकरण कदाचीत होईल, पण ही मशीन ध्वनी प्रदूषण करणारी ठरत आहे.

हे देखील पहा -

मुंबई महापालिकेच्या पर्यावरण विभागाच्या अधिकाऱ्यांच्या दिलेल्या माहितीनुसार, हवेतील कार्बन डायॉक्साईड, कार्बन मोनोक्साईड, नायट्रोजन ऑक्साईड यासारखे आठ ते बारा प्रदूषित तत्वे कमी करण्यास या मशीन प्रयत्न करत आहेत. या मशिनमधून प्रदूषित तत्वे शोधून घेत शुध्द हवा बाहेर सोडली जात आहे.

दोन दोन्ही मशीन बसवण्यापूर्वी संबंधित कंपनीने पंधरा दिवस आधी हवेतील घटकांचे मोजमाप केलं होतं . पण आता मागील पंधरा दिवसांतील हवेतील घटकांची नोंद घेतली गेली आहे, त्यानुसार हवेतील घटक कमी होऊन किती प्रमाणात हवा शुध्द झाली किंवा कसे, याचा अहवाल लवकरच प्रशासनाला सादर केला जाणार आहे. त्यामुळे जर यामध्ये हवा शुध्दीकरणाचा प्रयत्न यशस्वी ठरल्याचं दिसलं तर प्रशासन पुढील कार्यवाही करणार असल्याचं अधिकाऱ्यांकडून सांगण्यात येत आहे.

Edited By - Shivani Tichkule