>> सचिन बनसोडे

Ahmednagar Akole Fofsandi News:

अकोले तालुक्यातील फोफसंडी येथे पर्यटनाचा आनंद घेण्यासाठी आलेल्या दोन पर्यटकांचा बुडून मृत्यू झाल्याची घटना आज दुपारी घडली आहे. संगमनेर तालुक्यातील कनोली येथील हे पर्यटक होते. अभिजीत वरपे व पंकज पाळंदे, असे बुडून मृत्यू झालेल्या दोघांची नावे आहे.

मिळालेल्या माहितीनुसार, आज दुपारी दोन ते अडीच वाजनेचे सुमारास हे चार पर्यटक मित्र फोफसंडी गावाजळ असणाऱ्या एका ओढ्यावर गेले होते. ते पाण्यात उतरले असता एकाचा पाय घसरला आणि तो पाण्यात बुडू लागला. यातच दुसऱ्याने त्याला वाचविण्यासाठी पाण्यात उडी मारली. पण यात दोघेही बुडाले.

सोबत आलेले दुसऱ्या दोन मित्रांनी गावात जाऊन ही माहिती गावकऱ्यांन दिली. त्यानंतर काही गावकरी या घटनास्थळी धावून आले आणि बुडालेले दोघांचा शोध सुरू केला. मात्र अद्याप त्यांचा मृतदेह सापडलेला नाही.  (Latest Marathi News)

पाणवठा येथे पाण्याची खोली जास्त असल्याने इथे गावकरी कधी जात नाही. दरम्यान, फोफसंडी हे अतिदुर्गम निसर्ग रम्य ठिकाण असल्याने या ठिकाणी राज्य भरातून अनेक पर्यटक येत असतात सध्या. अकोले तालुक्यात जोरदार पाऊस पडत असल्याने निसर्गाचे सौंदर्य व आनंद घेण्यासाठी अनेक पर्यटक इकडे आकर्षित होत आहे.

नेटवर्क नसल्याने ही माहिती लवकर इतरांना समजली नाही. प्रशासकीय यंत्रणेने घटनास्थळी धाव घेतली असून त्यांनी शोध कार्य सुरू केलं आहे. याबाबत राजुर पोलीस स्टेशनला माहिती मिळाल्यानंतर सहाय्यक पोलीस निरीक्षक प्रवीण दातरे त्यांच्या सर्व टीम रवाना झाले आहेत. उशिरापर्यंत शोध सुरू असताना अंधार पडल्याने तसेच जोरदार पाऊस असल्याने तपास थांबण्यात आल्याचं सांगण्यात येत आहे.