मुंबई : मनसेनंतर मुंबईत शिवसेनाही हनुमान चालीसा (Hanuman Chalisa) पठन करणार आहेत. दादर गोल मंदिर येथे उद्या आमदार सदा सरवणकर (MLA Sada Sarvankar) यांच्या नेतृत्वाखाली हनुमान चालीसा वाचन केलं जाणार आहे. एकीकडे राज ठाकरेंनी लावून धरलेला हिंदुत्वाचा मुद्दा आणि सतत सेनेवरती (Shivsena) हिंदुत्व सोडल्याचे केले जाणारे आरोप या सर्व प्रकरणानंतर आता शिवसेना आमदारांनी हनुमान चालीसा वाचनाचा कार्यक्रम हाती घेतल्याने सेना अजून आपण हिंदुत्व सोडलं नसल्याचं दाखवून देत आहे.

दरम्यान, हनुमान जयंती दिनी मुख्यमंत्री उद्धव ठाकरे यांनी मातोश्रीवर भोंगे लावत हनुमान चालीसा वाचावी. बाळासाहेब ठाकरे यांचे विचार आणि हिंदुत्व राखण्यासाठी मुख्यमंत्री पुढाकार घेत नसतील तर आम्ही मातोश्रीवर जाऊन भोंग्यांवर हनुमान चाळीसा वाचन करू असा इशारा आमदार रवी राणा यांनी दिला आहे.

Edited By - Jagdish Patil