सचिन जाधव

Pune News : पुण्यातील कसूर केलेल्या बदलीविरुद्ध महाराष्ट्र प्रशासकीय प्राधिकरणात दाद मागण्याचे प्रकरण पोलीस निरीक्षकाला चांगलेच भोवले आहे. बदली झालेल्या ठिकाणी रुजू न होता, थेट न्यायाधिकरणाकडे धाव घेतली.

त्यामुळे शिस्तीचा भंग केल्यामुळे न्यायाधिकरणानेच संबंधित पोलीस निरीक्षकावर शिस्तभंग कारवाई करण्याचे आदेश पोलीस प्रशासनाला देण्यात आले आहेत. न्यायाधिकरणाच्या आदेशानुसार, संबंधित पोलीस निरीक्षकास निलंबित केले आहे. (Latest Marathi News)

मिळालेल्या माहितीनुसार, पुण्यातील पोलीस (Police) निरीक्षकास बदलीविरुद्ध महाराष्ट्र प्रशासकीय प्राधिकरणात दाद मागणे भोवलं. सदर पोलीस निरीक्षकाने बदली झालेल्या ठिकाणी रुजू न होता, थेट न्यायाधिकरणाकडे धाव घेतली.

मात्र, पोलीस निरीक्षकावर शिस्तभंग कारवाई करण्याचे आदेश पोलिस प्रशासनाला दिले. त्याची दखल घेत पोलीस आयुक्त अमिताभ गुप्ता यांनी दिलेल्या आदेशानुसार संबंधित पोलीस निरीक्षकास निलंबित केले आहे. रविंद्र मानसिंग कदम असे निलंबन केलेल्या पोलीस निरीक्षकाचे नाव आहे. कदम हे चंदननगर ठाण्यात पोलीस निरीक्षक म्हणून कार्यरत होते.

नेमकं काय घडलं ?

पोलीस निरीक्षक रविंद्र मानसिंग कदम यांनी कर्तव्यकसुरी केल्यामुळे त्यांची चंदननगर ठाण्याहून थेट दंगा काबू पथकामध्ये केली होती. त्याविरुद्ध कदम यांनी मॅटमध्ये दाद मागितली होती. कदम यांनी सादर केलेला अर्ज मॅटने रद्द करीत त्यांच्याकडून झालेल्या बेशिस्त वर्तनाबाबत ताशेरे ओढले होते. तसेच कदम यांच्याविरुद्ध शिस्तभंग विषयक कारवाई करण्याचे आदेश पोलीस (Police) प्रशासनाला दिले होते.