मुंबई: प्रसिद्ध उद्योगपतीच्या मुलीला त्रास देणाऱ्या माथेफिरूला गावदेवी पोलिसांनी (Gaondevi, Vishakhapattanam) विशाखापट्टणम येथून अटक (Arrested) केली आहे. विजयकांत मंडा असे या आरोपीचे नाव असून तो आयटी इंजिनिअर आहे. उद्योगपतीच्या मुलीला गायनाचा छंद होता. एका कार्यक्रमात आरोपीने तिला पाहिले होते, त्यावेळी आरोपीने मुलीच्या स्वीय सहाय्यकाचा नंबर घेतला होता. (accused arrested demanding of marriage continuously)

हे देखील पहा -

नंबर घेतल्यानंतर कालांतराने तो वारंवार फोन करून लग्न करण्यासाठी उद्योगपतीच्या मुलीला आणि घरातील इतर सदस्यांना मेसेज करत होता. या नंतर मुलीने आणि इतर घरातल्यांनी त्याचा मोबाईल ब्लाॅक केला. मात्र आरोपीने थेट घर आणि उद्योगपतीच्या मुलीचे कार्यालय गाठून लग्न करण्याची गळ घालू लागल्यानंतर गावदेवी पोलिसांत त्याच्याविरोधात तक्रार करण्यात आली. या प्रकरणी गावदेवी पोलिसांत मुलीच्या मॅनेजरने दिलेल्या तक्रारीनुसार पोलिसांनी ३५४ (ड), ५०३, ४९९, ५०७, ६७ आयटी एक्टनुसार गुन्हा नोंदवून विजयकांत मंडा याला अटक केली आहे.

Edited By - Akshay Baisane