मुंबई - पुणे एक्स्प्रेस हाईवे वर आज पहाटे सहा वाजण्याच्या सुमारास पुण्याकडून Pune मुंबईकडे Mumbai जाणाऱ्या बसने पुढे जात असलेल्या ट्रेलरला मागून धडक दिली. या भीषण अपघातात Accident सर्वांचे दैव बलत्तर म्हणून एकच प्रवासी गंभीर जखमी झाला असून काही प्रवासी किरकोळ जखमी झाले आहेत. या अपघातामुळे काही काळ वाहतूक बंद होती. जखमींना उपचारासाठी रुग्णालयात Hospital पाठवले असून अपघातग्रस्त वाहने बाजूला करून वाहतूक सुरळीत करण्यात आली आहे.

हे देखील पहा -

मुंबई-पुणे एक्सप्रेस हाईवे वर पुण्याकडून मुंबई कडे जाणाऱ्या लेन वर किलोमीटर 39 हे ठिकाण या हायवे वरील मृत्यूचा सापळा म्हणून ओळखला जाऊ  लागला आहे. या ठिकाणी शेकडो अपघात या दरम्यान आजतागायत झाले आहेत. तर शेकडो लोकांचा येथे मृत्यू झाला आहे. आज ही येथे भीषण अपघात झाला.

एक महाराजा ट्रॅव्हलची आराम बस सकाळी सहा वाजण्याच्या दरम्यान येथून जात असताना पुढे जात असलेल्या ट्रेलरला धडकली आणि अपघात झाला. अपघाताची खबर मिळताच बोरघाट पोलीस, आयआरबी पेट्रोलिंग, डेल्टा फोर्स, सेव्ह लाईफ, लोकमान्य हॉस्पिटलची टीम अपघातग्रस्तांच्या मदतीसाठी  घटनास्थळी दाखल झाली आहे.

किरकोळ जखमींना उपचारासाठी पुढे पाठवण्यात आले आहे यातील एक प्रवासी गंभीररीत्या जखमी असून सात ते आठ जण किरकोळ जखमी झाले आहेत. अपघाता नंतर काही काळासाठी वाहतूक थांबवून दोन्ही वाहने बाजूला घेऊन वाहतूक सुरळीत करण्यात आली आहे.

Edited By - Shivani Tichkule