पिंपरी चिंचवड : पिंपरी चिंचवडमध्ये एक धक्कादायक प्रकार समोर आला आहे. ४२ वर्षीय नराधमाने एका ७ वर्षीय चिमुरडीवर लैंगिक अत्याचार केल्याचा धक्कादायक प्रकार समोर आला आहे. ही घटना पिंपरी चिंचवड येथील वैभव नगर परिसरातील एका उच्चभ्रू इमारतीच्या आवारात घडली आहे. पोलिसात (Police) गुन्हा दाखल करण्यात आला आहे. पोलिसांनी नराधमाचा शोध सुरू केला आहे.

पोलिसांनी (Police) दिलेली माहिती अशी, पिंपरी चिंडवड मधील वैभव नगर येथील एका उच्चभ्रू इमारतीमध्ये घडली आहे. चिमुरडी सोसायटीच्या आवारात सायकल खेळत असताना कुत्रे आडवे आल्याने ती इमारतीच्या पार्किंग मध्ये जाऊन लपली होती. यावेळी तिला आडोशाला घेऊन जाऊन या नराधमाने अनैसर्गिक कृत्य केल्याची घटना समोर आली आहे. जोएल एरिक हरर्बर्ट अस या आरोपीचे नाव असून, पिंपरी पोलीस (Police) त्याचा शोध घेत आहेत.