Vasai News : वसई (vasai) येथील भुईगाव समुद्र किनाऱ्यावर तब्बल 57 हजार रुपयांच्या नोटा आढळल्या आहेत. सुमद्र किना-यावर स्वच्छता करताना नागरिकांना या नाेटा आढळल्या आहेत. संबंधित नाेटा या जून्या असून त्या पाेलिसांच्या स्वाधीन करण्यात आल्या आहेत.

वसई भुईगाव समुद्र किनारा साफ करत असताना लिसबोन फेरेरा यांना तब्बल 57 हजार रुपयांच्या नाेटा सापडल्या. रविवारी लिसबोन त्यांच्या पत्नी व त्यांचे सहकारी समुद्र किनाऱ्यावरील प्लास्टिक व कचरा गोळा करत होते.

त्यावेळी त्यांना ह्या नोटा आढळून आल्या. या नोटा कोणाचे आहेत याचा पत्ता लागला नाही. मात्र लिसबोन यांनी तात्काळ या जुन्या नोटा वसई पोलिसांच्या (police) ताब्यात दिले आहेत. या नाेटा (currency notes) सध्या चलनात नसल्याची माहिती समाेर आली आहे.

Edited By : Siddharth Latkar