Lonavala News :

लोणावळ्यातील टायगर पॉईंटवरून दरीत पडून एका महाविद्यालयीन विद्यार्थिनीचा मृत्यू झाल्याची घटना समोर आली आहे. साक्षी रमेश होरे असं 21 वर्षीय मृत मुलीचं नाव आहे.

साक्षी पिंपरी-चिंचवडच्या आकुर्डी येथील डॉ. डीवाय पाटील कॉलेजमध्ये इंजिनिअरिंग चं शिक्षण घेत होती, अशी प्राथमिक माहिती आहे.

साक्षी लोणावळ्याला कशासाठी आली होती? कुणासोबत आली होती? याबाबत माहिती मिळू शकलेली नाही. साक्षी कड्यावरुन पाय घसरुन खाली पडली की तिने आत्महत्या केली, हे समजू शकलेले नाही. याबाबत पोलीस अधिक तपास करत आहेत. (Latest Marathi News)ृ

घटनेची माहिती मिळाल्यानंतर, घटनास्थळी लोणावळा शिवदुर्ग रेस्क्यू टीम आणि लोणावळा ग्रामीण पोलिसांची टीम दाखल झाली.

रेस्क्यू टीमने जखमी साक्षीला टायगर पॉईंटच्या दरीतून बाहेर काढले. मात्र उपचारापूर्वी तिचा मृत्यू झाला, असल्याचं खंडाळा प्राथमिक आरोग्य केंद्राचे वैद्यकीय अधिकारी यांनी घोषित केले. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रायगडच्या हिरकणी कड्यावर अडकले होते दोन तरुण

काही दिवसांपूर्वी शिवजयंतीदिनी हिरकणी कड्यावर फिरायला गेलेले दोन तरुण अडकले होते. दोघेजण कड्यावर अडकल्याचे समजताच स्थानिकांनी मदतीसाठी धाव घेतली. रेस्क्यू टीमन स्थानिकांच्या मदतीने दोन्ही तरुणांची सुटका केली. ट्रेकिंग करताना दोघेजण कड्याच्या मध्यभागी आले होते. त्यावेळी त्यांना खाली उतरणे किंवा पुन्हा गडावर जाणे कठीण झाले. त्यामुळे दोघेही दगडाचा आधार घेत तेथेच थांबले.