- अमर घटारे

अमरावती : अमरावती (amravati) जिल्हा परिषद (zilla parishad) शिक्षकांच्या (teachers) बदल्या सलग दोन वर्षापासून रखडल्या आहेत. मे २०२० व मे २०२१ या कालावधीत शासनाने शिक्षकांची बदली प्रक्रिया राबविली नाही. शासन निर्णय असताना देखील बदली हाेत नसल्याने शिक्षक आक्रमक झाले आहेत. जिल्हा परिषदेने शिक्षकांची ऑनलाईन बदली प्रक्रिया राबवावी या मागणीसाठी शिक्षकांनी अमरावती जिल्हा परिषद समोर तीन दिवसीय साखळी उपोषण सुरू केले आहे. (amravati latest maathi news)

मेळघाट सारख्या दुर्गम भागातील शिक्षकांना ५ वर्षाहून अधिक काळ झाले असताना बदली प्रक्रिया शासनाने राबविली नाही. त्यामुळे शिक्षकांना परिवार सोडून राहावे लागते आहे. याची शासनाने दखल घ्यावी अन्यथा तीव्र आंदोलन करणार असल्याचा इशारा शिक्षकांनी दिला आहे.

याबाबत करुणा बेले (जिल्हा परिषद, शिक्षिका) तसेच मनीष साव (शिक्षक संघटना, अध्यक्ष) म्हणाले दोन वर्षापासून शिक्षकांच्या बदल्या रखडल्या आहेत. शिक्षकांना त्यांच्या मुला बाळांपासून दूर राहावे लागत आहे. तरी शासनाने याची तातडीने दखल घेऊन मागणी मान्य करावी.

Edited By : Siddharth Latkar