अकोला : केंद्र सरकारच्या वतीने दिवसेंदिवस पेट्रोल आणि डिझेलच्या किंमतीत दरवाढ होत आहे. आधीच सर्वसामान्य माणूस कोरोनाच्या संकटामुळे आर्थिक विवंचनेत सापडला आहे. सततच्या होणाऱ्या पेट्रोल, डिझेल दरवाढीमुळे सर्वसामान्यांचे जीवन मेटाकुटीस आले आहे. त्यामुळे राज्यभर युवासेनेचे पेट्रोल दरवाढीच्या विरोधात आंदोलन करण्यात येत आहे.

हे देखील पहा-

अकोल्यातही सेना आमदार विपल्व बाजोरिया यांच्या नेतृत्वाखाली बैलगाडी सह सायकल रॅली काढण्यात आली आहे. अकोल्यातील सिव्हिल लाईन चौकातून ही रॅली काढण्यात आली आहे. दरम्यान, यावेळी केंद्र सरकार विरोधात घोषणाबाजी करत शहरभर ही रॅली काढण्यात आली आहे.

' होश में आयो मोदी सरकार, बहुत ही महंगाई की मार' आदी घोषणाबाजींनी युवासेनेच्या आंदोलनाला सुरुवात करण्यात आली आहे. या आंदोलनात आमदार विपल्व बाजोरिया, युवासेना जिल्हाध्यक्ष विठ्ठल सरप पाटील, राहुल कराळे आदी शेकडो कार्यकर्ते सहभागी झाले होते.

Edited By- Digambar Jadhav