Parbhani Accident News :

पाथरी तालुक्यातील गुंज लोणी रस्त्यावर हरणाची दुचाकीस्वाराला धडक बसली. या अपघातात हरणाचा मृृत्यू झाला. दरम्यान या घटनेतील उपचारार्थ रुग्णालयात दाखल असलेल्या दुचाकीस्वाराचा मृत्यू झाला आहे. कैलास लुचारे असे मृताचे नाव असल्याची माहिती पाेलिसांनी दिली. (Maharashtra News)

परभणी जिल्ह्यातील पाथरी तालुक्यातील गुंज येथील कैलास गुलाब लुचारे (वय 40 वर्ष) हे रविवारी (ता. २१ जानेवारी) सायंकाळच्या सुमारास काही कामानिमित्त गुंज येथून बाभळगावफाटाकडे जात होते.

गुंज पासून दिड किलाे मीटर अंतरावर त्यांच्या दुचाकीला शेतातुन आलेल्या हरणाने जोराची धडक दिली. यामध्ये हरण जागीच दगावले. तर दुचाकीवरील कैलास लुचारे हे गंभीर जखमी झाले.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेची माहिती रस्त्यावरुन जाणाऱ्या काही नागरीकांना समजली. त्यांनी जखमीच्या कुटुंबीयांना सांगितले. जखमीला पाथरी येथील खाजगी रुग्णालयात दाखल करण्यात आले. पुढील उपचारासाठी परभणी येथील एका खाजगी रुग्णालयात आणण्यात आले. उपचारादरम्यान आज कैलास लुचारे यांचा मृत्यू झाला.

Edited By : Siddharth Latkar