अकोला: पत्नीला रात्री लहान भावासोबत नको त्या अवस्थेत (Intimate Relationship) पाहिल्याने संतप्त झालेल्या पतीने त्या दोघांनाही याचा जाब विचारला आणि पत्नीने प्रियकराच्या मदतीने पतीला रॉडने (Beaten By Iron Rod) मारून जखमी केल्याची घटना अकोल्यातील तेल्हारा (Telhara, AKola) तालुक्यातील एका गावात घडलीय. या प्रकरणी तेल्हारा पोलिसांनी दोघांविरुद्ध गुन्हा दाखल केला आहे. नात्याला काळिमा फासणाऱ्या अनेक घटना समोर येतात. त्यापैकीच ही एक घटना म्हणावी लागेल. (Younger brother Relations with Sister-in-law; After being caught red handed, her husband was beaten with a rod in akola)

(Akola Crime News in Marathi)

हे देखील पाहा -

मिळालेल्या माहितीनुसार पतीने तेल्हारा पोलीस ठाण्यात दिलेल्या तक्रारीनुसार पत्नी आणि लहान भावाच्या अनैतिक संबंधाबाबत दोघांनाही अनेकदा समजावून सांगितले. मात्र दोघांच्या वागणुकीत कुठलाच फरक पडला नाही. लहान भावाच्या आणि पत्नीच्या संबंधात पती अडसर ठरत असल्याने अनेकदा वाद होत होते. याप्रकरणी पतीने २०१८ मध्येच याची तक्रार दिली होती. मात्र पोलिसांनी कारवाई केली नसल्याचा आरोप करण्यात आला आहे. दरम्यान १ जूनच्या रात्री पती झोपायला जात असताना पत्नी आणि लहान भाऊ(प्रियकर) या दोघांना पतीने नको त्या अवस्थेत पाहिल्याने, याचा जाब विचारला असता पत्नी आणि लहान भाऊ याने पतीवर रॉडने हल्ला केला. यामध्ये पती गंभीर जखमी झाला असून पतीवर अकोल्यातील सरोपचार रुग्णालयात उपचार सुरू आहेत. आता या प्रकरणी तेल्हारा पोलिसांनी पत्नीसह लहान भावाविरुद्ध गुन्हा दाखल केला आहे.

Edited By - Akshay Baisane