>> संजय राठोड

Yavatmal News: बीआरएसचे नेते राजू तोडसाम यांनी पालकमंत्री आणि आमदार यांच्यावर बाॅम्ब हल्ला करण्याचा इशारा दिला आहे. पालकमंत्री आणि लोकप्रतिनिधनावर बॉम्ब हल्ले करण्यासाठी तयार राहा, असं राजू तोडसाम यांनी म्हंटल आहे.

शेतकऱ्यांच्या नुकसान भरपाई देण्यात यावी यासाठी यवतमाळच्या हजारो शेतकरी, शेतमजूर यांच्या उपस्थितीत बीआरएसचे नेते माजी आमदार राजू तोडसाम यांनी मोर्चा काढला. यावेळी बोलताना त्यांनी हा इशारा दिला आहे.

यावेळी उपस्थित लोकांना संबोधित करताना ते म्हणाले होते की, झालेल्या नुकसानीकडे कोणी लक्ष देत नाही, यात आपलीच चुकी असून यापुढे कोणताही लोकप्रतिनिधींवर बाॅम्ब हल्ला करा, असं ते म्हणाले. (Latest Marathi News)

कोण आहेत राजू तोडसम?

यवतमाळमधील (Yavalmal) आर्णी विधानसभेचे भाजपचे माजी आमदार राजू तोडसाम यांनी 2021 मध्ये राष्ट्रवादी काँग्रेसमध्ये प्रवेश केला. 2019 मध्ये भाजपने तोडसाम यांना उमेदवारी नाकारली होती.

त्यामुळे राजू तोडसाम यांनी भाजपची साथ सोडत राष्ट्रवादी कांग्रेससोबत प्रवेश केला होता. आता त्यांनी बीआरएस पक्षात प्रवेश केला आहे.