संजय राठोड

यवतमाळ : यवतमाळ मधील दारव्हा शहरात कुण्यातरी अज्ञाताने ‘ नगराध्यक्ष साहेब कुठे आढळल्यास कृपया दुरध्वनी करुन संपर्क करुन कळवावे, हे दोन वर्षापासुन कार्यालयात नाहीत’ अशा मथळयाचे पोस्टर्स तहसिल तसेच बसस्थानक परिसरात लावल्याचे आज नागरीकांच्या निदर्शनास आले.

हे देखील पहा -

नेमके हे पोस्टर्स का व कुणी लावले याबाबत सध्या शहरात विविध चर्चेला पेव पुटले असुन, नगराध्यक्ष बबनराव इरवे यांनी मात्र, याबाबत दारव्हा पोलीस स्टेशनला तक्रार दाखल केली आहे. दारव्हा नगर परिषदेला नगराध्यक्षपदी बबनराव दशरथ इरवे हे विराजमान असुन ते नगर परिषदेमध्ये उपस्थित राहत नसल्याचा त्यांच्यावर यापुर्वीही काही नगरसेवकांनी तसेच नागरीकांनी आरोप केला आहे.

तसेच त्यांची मुलेच नगरपालिकेत त्यांचा कारभार चालवत असल्याचे काहीजणांनी आरोप केले आहेत. पंरतु आता नगराध्यक्ष आढळल्यास संपर्क करण्याचे आवाहन कुण्यातरी अज्ञाताने पोस्टर्स लावुन केल्याने सध्या हा विषय दारव्हा शहरात मोठया प्रमाणात चर्चेचा विषय बनला आहे.

Edited By : Kurshnarav Sathe