यवतमाळ : राज्य सरकारकडून राबवली जाणारी मुख्यमंत्री लाडकी बहीण योजना चांगलीच चर्चेच आहे. विशेष बाब म्हणजे, या योजनेमुळे महायुती सरकारला विधानसभा निवडणुकीत देखील चांगला फायदा झालाय. मात्र, यवतमाळ जिल्ह्यात तब्बल २७ हजार लाडक्या बहिणी अपात्र ठरल्या आहेत. कारण की, यवतमाळ जिल्ह्यात लाडकी बहीण योजनेसाठी ७ लाख १९ हजार ८८० महिलांनी अर्ज केले होते. यापैकी ६ लाख ९२ हजार ५६३ महिला योजनेसाठी पात्र ठरल्या, या लाभार्थ्यांना आतापर्यंत नऊ हप्ते त्यांच्या खात्यात जमा करण्यात आले आहेत.

परंतु, बँक खात्यांना आधार कार्ड आणि पॅन कार्ड लिंक केल्यामुळे श्रीमंत लाडक्या बहिणींचं बिग फुटलं. यातून २७ हजार ३१३ अपात्र बहिणी पुढे आल्या असून या लाडक्या बहिणींना योजनेतून वगळण्यात आलं आहे. या महिलांकडे शेती, घर, चारचाकी गाडी, दुचाकी, दुकान असल्यामुळे, तर काही महिला स्वतः नोकरी करत आहेत. यानंतरही त्यांनी लाडकी बहीण योजनेतून अर्ज सादर केले आणि त्यांच्या खात्यात पैसे जमा झाले. या महिलांचं आधार कार्ड लिंक झाल्यानंतर या बाबी स्पष्ट झाल्या, त्यामुळे त्यांना योजनेतून अपात्र करण्यात आलं आहे.

एप्रिल महिन्याचा हप्ता खात्यात कधी जमा होणार?

राज्य सरकारकडून राबिवण्यात येणारी मुख्यमंत्री लाडकी बहीण योजना घराघरात पोहोचली. या योजनेमुळे महायुतीला विधानसभेत यश प्राप्त झालं. मात्र, आता या योजनेवरून राजकारण सुरू आहे. या योजनेच्या निकषात काही बदल केल्यापासून विरोधकांनी टीकेची तोफ डागली. तसेच आता नमो शेतकरी योजनेचा लाभ घेणाऱ्या ८ लाख महिलांना लाडकी बहीण योजनेचा हप्ता कमी मिळणार आहे. म्हणजेच १५०० वरून ५०० रूपये मिळणार आहेत. याबाबत मोठी अपडेट समोर आली आहे.

मुख्यमंत्री लाडकी बहीण योजनेचा एप्रिल महिन्याचा हप्ता अक्षय तृतीयेच्या मुहूर्तावर म्हणजेच ३० एप्रिलला मिळणार असल्याची शक्यता आहे. फेब्रुवारी आणि मार्च महिन्याचा हप्ता एकत्र लाभार्थी महिलांच्या बँक खात्यात आतंरराष्ट्रीय महिला दिनी जमा झाला होता. मात्र, एप्रिल महिना सुरू होऊन १६ दिवस उलटले. तरीही दहावाचा हप्ता महिलांच्या बँक खात्यात काही जमा झालेला नाही. आता एप्रिल महिन्याचा हप्ता अक्षय तृतीया या सणाला लाभार्थी महिलांच्या बँक खात्यात जमा होण्याची शक्यता आहे.