Chandrapur Crime News : चंद्रपूर शासकीय वैद्यकीय महाविद्यालय रुग्णालयातून बाळ चोरीची धक्कादायक घटना समाेर आली आहे. या धक्कादायक घटनेनंतर रुग्णालय प्रशासन व पोलिसांनी तातडीने बैठक घेतली. त्यानंतर पाेलिसांनी सखाेल तपास सुरु केला आहे. (Maharashtra News)

पाेलिसांकडून मिळालेल्या माहितीनूसार चंद्रपूर शासकीय वैद्यकीय महाविद्यालय रुग्णालयातून आज (मंगळवार) सकाळी सहा वाजता वार्ड क्रमांक 15 मधून अनोळखी महिलेने बाळासह रुग्णालयाबाहेर पलायन केले. काही मिनिटांआधीच बाळाच्या मातेने शिशु अतिदक्षता कक्षात बाळाला दूध पाजले होते.

त्यानंतर 2 मिनिटातच एक अनोळखी महिला बाळाला घेऊन रुग्णालयाबाहेर गेल्याचे सीसीटीव्ही यंत्रणेतून उघड झाले. या धक्कादायक घटनेनंतर रुग्णालय प्रशासन व पोलिसांनी तातडीने बैठक घेत याविषयी चौकशी सुरू केली.

विविध ठिकाणी पाेलिसांची पथके रवाना

प्राथमिक चौकशीत संशयित आरोपी महिलेचे फुटेज निष्पन्न झाले आहे. या घटनेचा तपास सुरु आहे. विविध पोलीस पथके बाळ व संशयित महिलेचा माग काढत आहेत. महिलेच्या शोधासाठी पाेलिसांनी रेखाचित्र काढण्याचे नियाेजन केले आहे. दरम्यान बाळ चोरीमागे नक्की कोणता उद्देश आहे याबाबत पोलीस सखोल तपास करत आहेत.

Edited By : Siddharth Latkar