Chandrapur News : गेल्या दोन दिवसांत चंद्रपूर जिल्ह्यात सहा वाघांच्या मृत्यूची नोंद झाली. दोन दिवसांपूर्वीच ताडोबाच्या बफर क्षेत्रातील आगरझरी येथे एक बछडा आणि शिवनी क्षेत्रात वाघीण मृत्यू पावली होती. ही घटना घडत नाही तोच आज पुन्हा वाघाच्या ४ बछड्यांचा मृत्यू झाला.

ताडोबा व्याघ्र (tiger) प्रकल्पाच्या हिरडी नाला परिसरातील घटना आहे. या चारही मृत पिल्लांचं वय अंदाजे 3 ते 4 महिने आहे. मृत पिलांच्या अंगावर जखमा असल्याने परिसरात असलेल्या अन्य एखाद्या मोठ्या वाघाने केलेल्या हल्ल्यात त्यांचा मृत्यू झाल्याची शक्यता व्यक्त केली जाते.

या पिल्लांची आई कोण, ती कुठे आहे, ती पिल्लांच्या जवळ का नव्हती, तिची शिकार झाली का, असे अनेक प्रश्न घटनेच्या निमित्ताने उपस्थित झाले आहेत. वारंवार घडणाऱ्या या घटनांनी वन विभाग (forest department) नेमका काय करतो, असा प्रश्न उपस्थित केला जातो.

Edited By : Siddharth Latkar