रणजीत माजगांवकर, कोल्हापूर

कोल्हापूर - पुरोगामी कोल्हापुरात (Kolhapur) जादूटोणा झाल्याचा धक्कादायक प्रकार उघड झाला आहे. या प्रकरणी अनिष्ट व अघोरी प्रथा जादूटोणा कायद्याअंतर्गत कोल्हापुरात ११ जणांवर गुन्हा दाखल करण्यात आला आहे. (Kolhapur Latest News)

शहरातील शुक्रवार पेठ आणि करवीर तालुक्यातील नंदवाळ येथील तळ्यावर हा अघोरी प्रकार घडला होता. २३ डिसेंबर २०२१ ते २९ सप्टेंबर २०२२ मध्ये हा अघोरी प्रकार घडला असल्याची माहिती समोर आली आहे. तुला गुप्तधन मिळवून देतो असं सांगून वेळोवेळी फिर्यादीच्या बहिणीकडून चार लाख चाळीस हजार रुपये उकळल्या प्रकरणी ११ जणांवर गुन्हा दाखल करण्यात आला आहे. तसचं फिर्यादीच्या घरी खड्डा खोदून नरबळी देण्यास सांगून बकऱ्याचा बळी द्याययला लावला होता.

या प्रकरणी अकरा जणांवर लक्ष्मीपुरी पोलीस ठाण्यात आयपीसी 420,34 आणि महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा यांना प्रतिबंधक करण्याबाबत व त्याचे समूळ उच्चाटन करण्याबाबत अधिनियम 2013 कलम 3 (2)अन्वये गुन्हा दाखल करण्यात आला आहे.

Edited By - Shivani Tichkule