धक्कादायक! बायकोने नवऱ्याला गावातील अल्पवयीन मुलीवर करायला लावला बलात्कार Saam tv
महाराष्ट्र

धक्कादायक! बायकोने नवऱ्याला गावातील अल्पवयीन मुलीवर करायला लावला बलात्कार

आर्वी गावात माणुसकीला काळिमा फासणारी धक्कादायक घटना घडली

ब्युरो रिपोर्ट, साम टीव्ही, मुंबई

वर्धा : जिल्ह्याच्या आर्वी पोलीस ठाण्यात माणुसकीला काळिमा फासणारी धक्कादायक घटना घडली आहे. येथील एका महिलेने आपल्या नवऱ्यालाच गावामधील १४ वर्षीय अल्पवयीन मुलीवर बलात्कार करायला लावले आहे. आरोपी महिलेने संशयी वृत्तीतून हे धक्कादायक कृत्य केल्याची माहिती समोर आली आहे. याप्रकरणी आर्वी पोलीस ठाण्यामध्ये गुन्हा दाखल (FIR) करण्यात आला आहे.

हे देखील पहा-

गुन्हा दाखल होताच पोलिसांनी आरोपी दाम्पत्यास अटक (arrested) करण्यात आली आहे. या घटनेचा पुढील तपास पोलीस (Police) करत आहेत. संबंधित घटना आर्वी (Arvi) पोलीस ठाण्याच्या हद्दीतील एका गावातील (village) आहे. पीडित मुलगी घरी एकटी असल्याचे बघून आरोपी महिला तिला आपल्या घरी घेऊन आली होती. पीडित मुलीला घरी आणल्यावर आरोपी महिलेने तिला 'तू माझ्या नवऱ्यासोबत लग्न (married) कर' असे म्हणत घरात नवऱ्यासोबत कोंडले. घराचा दरवाजा बाहेरून बंद करून आरोपी महिला निघून गेली.

पीडित मुलीला एकटे बघून आरोपी पतीने तिच्यावर बळजबरी करत बलात्कार (abuse) केला आहे. काही वेळाने पत्नी घरी आली. यानंतर तिने परत एकदा डोळ्यासमोर पतीला पीडित अल्पवयीन मुलीवर बलात्कार करण्यास भाग पाडले आहे. या धक्कादायक प्रकारानंतर आरोपी दाम्पत्याने घटनेची वाच्यता केल्यास जीवे मारेल, अशी धमकी पीडितेला देण्यात आली होती. आरोपींच्या तावडीतून सुटका करून घेतल्यानंतर पीडित मुलीने तिच्याबरोबर घडलेला सर्व प्रकार आपल्या कुटुंबीयांना (Family) सांगितला आहे.

अल्पवयीन मुलीवर बलात्कार झाल्याची माहिती मिळताच कुटुंबीयांनी आर्वी पोलीस ठाण्यात जात फिर्याद दाखल केली आहे. पोलिसांनी बाल लैंगिक प्रतिबंधक कायद्यासह अन्य कलमाअंतर्गत गुन्हा दाखल केला आहे. पोलिसांनी आरोपी दाम्पत्याला ताब्यात घेतले आहे. त्यांची कसून चौकशी केली जात आहे. आरोपी महिलेने नेमक्या कोणत्या कारणातून हा धक्कादायक प्रकार करायला लावला, याची माहिती अद्याप समोर आली नाही. या घटनेचा तपास आर्वी पोलीस करत आहेत.

Edited By- Digambar Jadhav

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ahilyanagar News: विद्यार्थी की मजूर? शाळा मग्रुर; मुलांना ट्रक खाली करायला लावला, सामच्या बातमीच्या दणक्यानंतर होणार कारवाई

Nepal Protest : नेपाळ पेटलं, चटके भारताला? शेजाऱ्यानं वाढवलं देशाचं टेन्शन, VIDEO

Maharashtra Politics : एकनाथ शिंदेंना धक्का बसणार? नाराज पदाधिकाऱ्यांना उद्धव ठाकरेंनी केला फोन, Video

Maharashtra Politics : शिवतीर्थावर ठाकरे बंधूंची भेट;महापालिकेची रणनिती ठरली? VIDEO

Astrology: 'या'५ राशींवर होणार धनवर्षाव, द्विद्वाद योगामुळे होतील मोठे फायदे

SCROLL FOR NEXT