रुपाली बडवे

Rain Forecast : राज्यातील अनेक ठिकाणी सकाळपासून पावसाच्या जोरदार सरी बसरत आहे. राज्यातील ४ जिल्ह्यांना आज रेड अलर्ट देण्यात आला आहे. तर ९ जिल्ह्यांना ऑरेंज अलर्ट देण्यात आला आहे.

मुंबई, ठाणे, कोल्हापूर आणि सिंधुदुर्ग जिल्ह्यासाठी पुढील ३-४ तास महत्वाचे असल्याचा इशारा हवामान खात्याने दिला आहे. या चार जिल्ह्यांमध्ये पुढील ३-४ तास मुसळधार पावसाची शक्यता आहे.

हवामान विभागातच्या इशाऱ्यानुसार २६ जुलै रोजी पुढील ३-४ तासांत सिंधुदुर्ग, मुंबई, ठाणे, कोल्हापूर जिल्ह्यातील घाट भागात काही ठिकाणी मध्यम ते तीव्र स्वरूपाचा पाऊस (Heavy Rain)  पडण्याची शक्यता आहे.

काही भागात वादळी वाऱ्यासह मेघगर्जना आणि विजांचा कडकडाट होण्याची शक्यता आहे. नागरिकांना घराबाहेर पडताना खबरदारी घेण्याचं आवाहनही हवामान विभागाने केलं आहे. (Latest News)

कोणत्या जिल्ह्यांना रेड आणि ऑरेंज अलर्ट

उद्या रायगड, रत्नागिरी, पुणे, सातारा या जिल्ह्यांमध्ये अत्यंत जोरदार पावसाचा रेड अलर्ट देण्यात आला आहे. तर पालघर, मुंबई, ठाणे, सिंधुदुर्ग, कोल्हापूर, नांदेड, भंडारा, गडचिरोली, गोंदिया या जिल्ह्यांमध्ये अतिमुसळधार पावसाचा अंदाज वर्तवण्यात आला आहे.  (Maharashtra News)