- शुभम देशमुख

Gondia News : कंत्राटदाराने थकीत रक्कमेच्या वसूलीसाठी पाणी पूरवठा याेजनेचा वीज पुरवठा खंडीत केल्याने आमगाव व सालेकसा तालुक्यातील 36 गावांचा पाणी पुरवठा खंडीत झाला आहे. यामुळे नागरिकांवर अशुद्ध पाणी पिण्याची वेळ येऊन ठेपली आहे. (Maharashtra News)

गोंदिया जिल्ह्यातील आमगाव व सालेकसा तालुक्यातील 36 गावांना पाणी पुरवठा करणाऱ्या बनगाव प्रादेशिक पाणी पुरवठा योजनेचे देखभाल दुरूस्तीचे 40 लाख रूपये गेल्या दोन महिन्यांपासून थकले आहेत. ही थकीत रक्कम मिळावी यासाठी कंत्राटदार पाठपूरावा करीत आहे. परंतु त्यात यश लाभले नाही.

दरम्यान या योजनेला पुरविण्यात येणारा वीज पुरवठा खंडीत करण्यात आला आहे. यामुळे या योजनेतील पाणी पुरवठा बंद झालेला आहे. प्रधानमंत्री नरेंद्र मोदी (PM Narendra Modi) एकीकडे घर घर नल घर घर जल ही मोहीम राबवित असताना या मोहीमेचे पाणीपुरवठा बंद करून जिल्हा परीषद आपल्या ग्रामीण भागातील नागरीकांना शुद्ध पाणी देण्यास असमर्थ ठरत आहे अशी चर्चा सुरु आहे.

Edited By : Siddharth Latkar