Satara News :

पाचगणीत पाणी टंचाईची समस्या गंभीर बनल्याने महाराष्ट्र जीवन प्राधिकरणाच्या कारभाराविरोधात माजी नगरसेवक हेन्री जोसेफ यांच्या नेतृत्वाखाली छत्रपती शिवाजी महाराज (chhatrapati shivaji maharaj) चौकात आज (गुरुवार) नागरिकांनी निदर्शने केली. यावेळी लवकरात लवककर पाणी पूरवठा सुरळीत करावा अशी मागणी नागरिकांनी केली. (Maharashtra News)

पाचगणी येथील नागरिकांनी मोर्चाने छत्रपती शिवाजी महाराज चौकात प्राधिकरणाविरुद्ध घोषणाबाजी करत निदर्शने केली. यावेळी हेन्री जोसेफ, रंजन कांबळे, अनमोल कांबळे यांची भाषणे झाली.

प्राधिकरण अधिकाऱ्यांनी समोर येऊन आमच्या प्रश्नांची उत्तरे द्यावीत, अशी मागणी आंदाेलकांनी केली. दरम्यान या आंदाेलकांना जीवन प्राधिकरणाचे उपअभियंता राजकुमार आवळे, शाखा अभियंता आनंदा तराळ हे सामाेरे गेले. त्यांनी आंदोलकांचे म्हणणे समजून घेत त्यांच्या मागणी पूर्ण करण्याबाबत लेखी आश्वासन दिले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar