- मनोज जयस्वाल

Washim News : वाशिम येथील निमजगा परिसरात वादातून काहींनी एकमेकांवर गावठी देशी कट्ट्यांमधून तीन राऊंड फायर केले. ही घटना मंगळवारी रात्री घडली. या घटनेतील संशयितांचा तपास सुरु असल्याची माहिती पाेलिसांनी दिली. (Maharashtra News)

वाशिमच्या महात्मा फुले चौकात जुन्या नात्या संबंधाच्या वादातून राग काढण्याच्या हेतूने निमजगा परिसरात दोघांनी दोघांवर एका देशी कट्ट्याने 3 राउंड फायर करत कोयत्याने हल्ला केल्याची घटना घडली. सुदैवाने या घटनेत काेणालाही गंभीर दुखापत झालेली नाही.

या घटनेत एकाला किरकोळ दुखापत झाली आहे. दरम्यान या प्रकरणी वाशिम पोलिसांत गुन्हा दाखल झाला आहे. या घटनेचा तपास वाशिम पोलिस करत आहेत. गेल्या काही महिन्यांपासून वाशिम जिल्ह्यात देशीकट्टे आणि कोयते, तलवारी सापडण्याच्या घटनेत वाढ झाली आहे. यामुळे कायदा व सुव्यवस्थेचा प्रश्न ऐरणीवर आला आहे.

Edited By : Siddharth Latkar