Groundnut Crop Saam tv
महाराष्ट्र

Groundnut Crop : अवकाळीचा फटका; भुईमूगाच्या शेंगाना जमिनीतच फुटले अंकुर

Washim News : अवकाळीमुळे रब्बी तसेच उन्हाळी पिकांचे मोठे नुकसान होत आहे. मान्सूनच्या पावसाप्रमाणे अवकाळी पाऊस सातत्याने पडत असल्याने शेतकऱ्यांना शेतातील माल देखील काढण्याची संधी मिळत नाही

Rajesh Sonwane

मनोज जयस्वाल 
वाशिम
: साधारण १५ ते २० दिवसांपासून राज्यात सातत्याने अवकाळी पाऊस होत आहे. या पावसामुळे प्रचंड नुकसान झाल्याचे पाहण्यास मिळत आहे. कांदा, मका पिकांच्या नुकसानीसोबतच आता भुईमूंग उत्पादक शेतकऱ्यांना देखील अवकाळीचा फटका बसू लागला आहे. कारण परिपक्व झालेला भुईमूंग पावसामुळे काढणी झालेला नाही. यामुळे या शेंगाना आता जमिनीतच अंकुर फुटल्याचे चित्र पाहण्यास मिळत आहे. 

राज्यात होत असलेल्या अवकाळी पाऊस वाशिम जिल्ह्यात देखील मागील काही दिवसांपासून पडत आहे. अवकाळीमुळे रब्बी तसेच उन्हाळी पिकांचे मोठे नुकसान होत आहे. मान्सूनच्या पावसाप्रमाणे अवकाळी पाऊस सातत्याने पडत असल्याने शेतकऱ्यांना शेतातील माल देखील काढण्याची संधी मिळत नाही. यामुळे शेतकरी पूर्णतः हतबल झाला आहे. यामुळे कांदा, मका उत्पादक शेतकऱ्यांबरोबरच भुईमूंग उत्पादक शेतकऱ्यांना देखील याचा फटका बसू लागला आहे.  

ऐन काढणीच्या वेळी पाऊस 

वाशिम जिल्ह्यात उन्हाळी भुईमुगाचा पेरा ५ हजार १४३ हेक्टरवर झाला होता. सध्या भुईमुगाचा काढणीचा हंगाम सुरू आहे. मात्र मागील काही दिवसात जिल्ह्यात अवकाळी पाऊसामुळे दुहेरी फटका बसला आहे. काढणीस आलेल्या भुईमूगाला उशीर झाला. त्यामुळे शेंगा परिपक्व होऊन कालावधी उलटल्याने जमिनीतच शेंगांना अंकुर फुटू लागल्याचा प्रकार समोर आला आहे. त्यामुळे शेतकऱ्याचं नुकसान होत असून अवकाळीचा हा दुहेरी फटका शेतकऱ्यांना बसू लागला आहे.

सततच्या पावसाने कांदा शेतात भिजला

मनमाड : नाशिकच्या मनमाड परिसरात सतत अवकाळी पाऊस होत आहे. या पावसाने शेतात चाळीत साठवण्यासाठी ठेवलेला शेकडो क्विंटल कांदा भिजल्याने कांदा उत्पादकांचे मोठ्या प्रमाणावर नुकसान झाले. गेल्या दहा ते बारा दिवसांपासून सारखा पाऊस कोसळत असल्याने कांदा चाळीत टाकण्यासही उसंत देत नसल्याने हा संपूर्ण कांदा आता भिजल्याने कांदा सडू लागला आहे. त्यामुळे शेतकऱ्यांचे वार्षिक आर्थिक गणित कोलमडले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

'मराठीचाच अजेंडा'; कोणताच झेंडा नाही, ठाकरे बंधूंच्या विजयी मेळाव्याची निमंत्रण पत्रिका चर्चेत

रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

IND vs ENG Test 2 Day 3: All Out! सिराजच्या भेदक माऱ्यापुढे इंग्लंडची टीम ढेपाळली; भारताकडे 180 धावांची आघाडी

Sushil Kedia : आमच्यासारखा जर खरंच पेटून उठला तर...व्यावसायिक सुशील केडिया यांनी राज ठाकरेंना डिवचलं

ठाकरेंच्या मेळाव्याला काँग्रेस-राष्ट्रवादीची दांडी? ठाकरेंच्या मेळाव्यात मविआचा सहभाग? मराठीवरून मविआत फूट?

SCROLL FOR NEXT