मनोज जयस्वाल, साम टीव्ही

Washim Latest Marathi News: तरुणाचा मामाच्या पोरीवर जीव जडला, तिला प्रेमाच्या जाळ्यातही फसवलं. गोड बोलून फिरायला जायचा बहाणा केला. त्यानंतर लग्नाचे वचन देत तिला एका गेस्टहाऊसवर नेलं. तिथे तिच्यासोबत जबरदस्तीने शारीरिक संबंध ठेवले. याबाबत कुणाकडे वाच्यता केल्यास जीवे मारण्याची धमकी दिली. (Latest Marathi News)

वाशिम जिल्ह्यातील मालेगाव तालुक्यात ही संतापजनक घटना घडली. याप्रकरणी पीडित तरुणीने दिलेल्या फिर्यादीनुसार, पोलिसांनी (Police) आरोपीविरोधात गुन्हा दाखल केला आहे. तरुणाने मामाच्याच पोरीसोबत जबरदस्तीने शारीरिक संबंध ठेवल्याची घटना समोर येताच परिसरात मोठी खळबळ उडाली आहे.

पोलिसांनी दिलेल्या माहितीनुसार, २५ वर्षीय पीडित तरुणी ही मालेगाव (Washim News) तालुक्यात राहणाऱ्या आरोपीच्या मामाची मुलगी आहे. जवळचे नातेसंबंध असल्याने त्यांची ओळख होती. आरोपीने पीडितेचा मोबाइल नंबर सुद्धा घेतला होता. त्यामुळे अधून-मधून त्यांच्यात बोलणे सुरू होते.

दरम्यान, आरोपीने ओळखीचा फायदा घेत तरुणीसोबत (Crime News) जवळीक वाढवली. त्याने भेटण्याचा बहाणा करून पीडितेला शेगाव येथील गणेश गेस्टहाऊसमध्ये बोलावून घेतले. आरोपीने पीडितेला लग्नाचे वचन देत तिच्यासोबत जबरदस्तीने शारीरिक संबंध प्रस्थापित केले.

यानंतर पीडितेने आरोपीकडे लग्नाची मागणी घातली असता, त्याने लग्न करण्यास नकार दिला. तसेच याबाबत कुणाकडे वाच्यता केल्यास पीडितेला जीवे मारण्याची धमकी सुद्धा दिली. या संपूर्ण प्रकारामुळे पीडिता प्रचंड घाबरली. तिने तातडीने पोलिसांत धाव घेतली.

दरम्यान, पीडितेने दिलेल्या फिर्यादीनुसार, मालेगाव पोलिसांनी आरोपीविरोधात लैंगिक अत्याचाराचा गुन्हा दाखल केला आहे. तसेच पीडित तरुणीची वैद्यकीय चाचणी सुद्धा करण्यात आली आहे. तरुणाने मामाच्याच मुलीवर अत्याचार केल्याचं समोर येताच परिसरात मोठी खळबळ उडाली आहे. या घटनेचा पुढील तपास पोलीस करीत आहेत.

Edited by - Satish Daud