चेतन व्यास

वर्धा : समुद्रपूर तालुक्याच्या पिपरी येथील जिल्हा परिषदेच्या उच्च प्राथमिक शाळेत (Teacher) शिक्षकाच्या मागणीसाठी आज पालकांसह विद्यार्थ्यांनी एल्गार पुकारलाय. शिक्षकाच्या मागणीसाठी आज शाळेला कुलूप ठोकत शाळेसमोर ठिय्या आंदोलन करण्यात आले. (Breaking Marathi News)

पिपरी (Wardha News) येथील जिल्‍हा परिषदेच्‍या शाळेत (ZP School) इयत्ता सातवीपर्यंत वर्ग आहे. मागील दोन वर्षांपासून शाळेत विज्ञान या विषयाच्या शिक्षकाची जागाही रिक्त आहे. एवढंच नव्हे तर नुकतेच येथील सहाय्यक शिक्षकही सेवानिवृत्त झाल्याने आता फक्त दोनच शिक्षक शाळेत आहे. यामुळे शाळेतील विद्यार्थी संख्‍येच्‍या तुलनेत शिक्षक कमी असल्‍याचे चित्र सध्‍या आहे.

दोनच शिक्षक सातवीपर्यंत शिकवितात

कार्यालयीन कामकाजसह हे दोन्ही शिक्षक सातव्या वर्गापर्यंत शिकवत आहे. यामुळे विद्यार्थ्यांच्या शैक्षणिक अभ्यासक्रमावर याचा परिणाम होत आहे. यामुळे तातडीने शिक्षकांची नियुक्ती करण्यात यावी या मागणीसाठी आंदोलन करण्यात आले.