चेतन व्यास

वर्धा : जंगलात तसेच गाव शिवारात राहणारा मसण्या उद हा प्राणी वर्ध्याच्या (Wardha) विक्रमशीला नगर परिसरात आढळून आला. लांब आणि काळ्या रंगाचा असलेला हा मसण्या उद चक्क अगदी कुलरच्या आडोश्याला येऊन लपला होता. (Maharashtra News)

मागील काही दिवसांपासून उन्‍हाची तिव्रता वाढली आहे. यामुळे जंगल परिसरात पाणी मिळत नाही. यामुळे पाण्याच्या आणि गारव्याच्या शोधात हा प्राणी वर्धा शहरातील विक्रमशिलानगर येथील एका घराच्या अंगणात शिरला. याठिकाणी असलेल्या कुलर आणि भिंतीच्या मध्येच त्याने आडोसा घेतला होता.

रेस्‍क्‍यू करत पकडले

पीपल फॉर ऍनिमलच्या प्राणिमित्रांनी रेस्क्यू करीत मसण्या उद या प्राण्याला पकडले आणि पिंजऱ्यात बंद करण्यात आले. रेस्क्यू राबवितानाचे हे दृश्य लक्ष वेधून घेणारे आहे. सर्वत्र उकाड्याचे दिवस सुरू झाले असताना आता प्राणी देखील थंडाव्याचा आसरा घेऊ लागले आहे. पाण्याच्या शोधात देखील प्राणी घराशेजारी येत असल्याचेच हे चित्र आहे.