Satara :

वाई जवळ असणाऱ्या फुलेनगर येथील काळुबाई यात्रेच्या निमित्ताने निघालेली बगाड यात्रा हजारो भाविकांच्या उपस्थितीत मोठया उत्साहात व शांततेत पार पडली. काळुबाईच्या नावानं चांगभल व काशीनाथाच चांगभल या जयघोषाने संपूर्ण परिसर दुमदुमून गेला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

वाकेश्वर येथील नाथ म्हस्कोबा मंदिरा पासून बगाड मिरवणूकीस सुरूवात झाली. प्रशांत जमदाडे यांना बगाड्या होण्याचा मान मिळाला. बगाडयास कृष्णानदीत आंघोळ घालण्यात आली आणि विधीवत पूजा करण्यात आली. (Maharashtra News)

बगाडयाच्या मागे देवीची पालखी ट्रक्टरमध्ये ठेवण्यात आली होती. भाविक श्रध्देने देवीचे दर्शन घेत होते. गुलालाची उधळण करीत दुपारी चार वाजण्याच्या सुमारास बगाड भद्रेश्वर रस्त्यावर आले. शेतातून आणि कच्चा पायवाटेने तीन किलोमीटर अंतर पार करीत सायंकाळी साडेसहा वाजता बगाड सुखरूपपणे काळेश्वरी मंदिराजवळ पोहचले. तेथे भाविकांचा उत्साह पाहण्यासारखा हाेता.

Edited By : Siddharth Latkar