- सुशिल थाेरात

Shanishingnapur : शनैश्वर देवस्थान ट्रस्टने सुरु केलेले ५०० रुपये शुल्क रद्द करुन सर्व भाविकांना शनिचौथ-यावरील दर्शन मोफत करावे याकरीता शनि शिंगणापुरात विश्व हिंदू परिषद व बजरंग दलाने आंदोलन सुरु केले आहे. या आंदाेलन (aandolan) बाबत आज तातडीने ताेडगा निघेल अशी शक्यता कमी आहे.

शनैश्वर देवस्थान ट्रस्टने शनि चौथ-यावरील दर्शनासाठी सुरु ५०० रुपये शुल्क आकारणी केली जाते. या निर्णयामुळे अनेक भाविकांची अडचण झाली आहे. ही सेवा मोफत असावी अशी मागणी हिंदुत्ववादी संघटनांची आहे. त्यासाठी आंदाेलन देखील छेडण्यात आले आहे.

विश्व हिंदू परिषद व बजरंग दलाचे कार्यकर्त्यांनी विश्वस्तांच्या मनमानीच्या विरोधात घोषणा दिल्या. विश्व हिंदू परिषद व बजरंग दलाचे कार्यकर्ते चौथ-यावर चढले. या अंदोलनानंतर एकच गोंधळ उडाला.

आज शनिवार निमित्त लाखो भाविकांची मंदीर परिसरात गर्दी असल्याने आंदोलनाने भाविकांचा मोठा गोंधळ उडाला. चौथ-यावर जाण्यासाठी ५०० शुल्क आकारणी रद्द करुन सर्वांना मोफत दर्शन द्यावी अशी मागणी आंदाेलकांनी केली. सहायक कार्यकारी अधिकारी नितीन शेटे, अध्यक्ष भागवत बानकर यांनी अंदोलनकर्त्यांशी केलेली चर्चा निष्फळ ठरली. त्यामुळे कार्यकर्त्यांनी आंदोलन सुरूच ठेवले आहे. (Maharashtra News)

Edited By : Siddharth Latkar