- नवनीत तपाडिया

औरंगाबाद : अल्पवयीन बहिणीवर अत्याचार केल्या प्रकरणी विरगाव पोलिसांनी चुलत भावास अटक केली आहे. त्याच्यावर पोक्सो कायद्यान्वये तसेच आत्महत्येस प्रवृत्त केल्याप्रकरणी गुन्हा दाखल केल्याची माहिती पाेलिसांनी दिली. (Aurangabad Crime News)

एकीकडे भाऊ-बहिणीचे नाते भक्कम करणारा सण म्हणजे रक्षाबंधन (Raksha Bandhan) जवळ आला आहे. दूसरीकडे औरंगाबाद (aurangabad) जिल्ह्यात भाऊ बहिणाच्या नात्याला काळीमा फासणारी घटना उघडकीस आली आहे.

चुलत भाऊच आपल्या बहिणीवर तब्बल नऊ महिन्यांपासून अत्याचार करत असल्याचे उघडकीस आले आहे. यामुळे संबंधित मुलीने आत्महत्या केल्याची धक्कादायक घटना औरंगाबादेतील वैजापूर तालुक्यात उघडकीस आली आहे.

याप्रकरणी विरगाव पोलिसांनी संशयितास ताब्यात घेऊन अटक केली आहे. त्याच्यावर पाेक्साे कायद्यान्वये तसेच आत्महत्येस प्रवृत्त केल्याप्रकरणी गुन्हा दाखल करण्यात आला आहे अशी माहिती विरगाव पाेलिसांनी दिली.

Edited By : Siddharth Latkar