- विनायक वंजारे

सिंधुदुर्ग : नकला करून पक्ष चालत नसतो असा टोला शिवसेनेचे सचिव आणि खासदार विनायक राऊत (vinayak raut) यांनी मनसेचे (mns) प्रमुख राज ठाकरे (raj thackeray) यांना येथे (sindhudurg) लगावला आहे. औरंगाबाद (aurangabad) येथे रविवारी झालेली राज ठाकरे यांची सभा आपण पाहिली देखील नाही. त्याची गरज देखील वाटली नाही असेही राऊत यांनी नमूद केले. (raj thackeray latest marathi news)

राऊत म्हणाले उद्धव ठाकरे (uddhav thackeray) स्वतःच्या मेहनतीने महाराष्ट्राचा कारभार पाहताहेत. ती मेहनत अशा नकलाकारांना जमणार नाही. नकलेने फक्त करमणूक होत आहे. हे त्यांनी समूजन घेतले पाहिजे असा टाेला राऊत यांनी राज ठाकरेंना लगावला.

मनसे हा पक्ष भाडयावर ठेवला असून ज्यांना गरज लागेल त्यांना तो भाड्याने देण्यात येतो अशी टिप्पणी राऊत यांनी केली. त्यामुळे अशांची वक्तव्ये व सभेची दखल घेण्याची गरज वाटत नाही. असे किती आले आणि गेले. शिवसेना (Shivsena) भक्कम आहे. महाविकास आघाडी सरकार (mva) भक्कम राहील त्यास काेणाचाही धाेका नाही असा विश्वास राऊत यांनी व्यक्त केला.

Edited By : Siddharth Latkar