Vinayak Mete Accident Case : शिवसंग्रामचे अध्यक्ष विनायक मेटे (Vinayak Mete) यांच्या अपघाताची एसआयटी मार्फत सखोल चौकशी करावी अशी मागणी राष्ट्रवादी युवक काँग्रेसनं केली आहे. ही मागणी राष्ट्रवादी युवक काॅंग्रेसचे प्रदेश अध्यक्ष महेबूब शेख यांनी बीड येथे केली आहे. शेख यांनी जनतेसमाेर सत्य आलं पाहिजे असं माध्यमांशी बाेलताना नमूद केेले. (Beed Latest Marathi News)

शिवसंग्रामचे अध्यक्ष विनायक मेटे यांच्या अपघाती निधनानंतर त्यांचा घात की अपघात? असा संशय कार्यकर्त्यांसह त्यांच्या कुटुंबीयांनी व्यक्त केला आहे. त्यामुळे राज्याच्या मुख्यमंत्री आणि उपमुख्यमंत्र्यांनी या प्रकरणाची एसआयटी मार्फत सखोल चौकशी करावी अशी मागणी राष्ट्रवादीचे युवक काँग्रेसचे प्रदेशाध्यक्ष महेबूब शेख यांनी येथे केली.

दरम्यान मेटे यांच्या निधनानंतर राष्ट्रवादी युवक काँग्रेसचे प्रदेश सचिव तथा भूम, परंडा, वाशी विधानसभा मतदारसंघाचे निरीक्षक गजानन खमीतकर यांनी समाज माध्यमातून एक पाेस्ट केली हाेती. ती याेग्य नसल्याचं कारण देत खमीतकर यांच्या पदाला स्थगिती देण्यात आली आहे असेही राष्ट्रवादी युवक काँग्रेसचे प्रदेशाध्यक्ष महबूब शेख यांनी नमूद केले.

Edited By : Siddharth Latkar