तिवसा मतदारसंघाध्ये काँग्रेसकडून यशोमती ठाकूर आणि भाजपचे उमेदवार राजेश वानखेडे हे निवडणुकीच्या रिंगणात होते. या मतदारसंघात काँग्रेसच्या उमेदवार यशोमती ठाकूर या विजयासाठी प्रबळ दावेदार असल्याचं म्हटलं जात आहे. जनतेचा कौल हा यशोमती ठाकूर यांच्या बाजूने असल्याची माहिती मिळत आहे.

सकाळच्या समुहाच्या एक्झिट पोलनुसार, यशोमती ठाकूर यांनी भाजपचे राजेश वानखेडे यांना मागे सोडलं आहे. यशोमती ठाकूर यांच्यासमोर मोठं आव्हान होतं, मात्र त्यांनी आपला गड कायम ठेवल्याचं चित्र दिसून येत आहे. त्यांना भाजपचे उमेदवार राजेश वानखेडे यांनी तगडी फाईट दिली, मात्र जनतेच्या मनातील संभाव्य आमदार या यशोमती ठाकूर असल्याचं दिसून येत आहे.

यशोमती ठाकूर यांची ओळख काँग्रेसच्या फायरब्रँड नेत्या अशी आहे. त्यांना टक्कर देण्यासाठी महायुतीकडून भाजपचे राजेश वानखेडे यांना उमेदवारी मिळाली होती. मात्र गेल्या १५ वर्षांपासून यशोमती ठाकूर यांनी विकास कामांवर भर दिला आहे.त्यामुळे त्यांना संभाव्य आमदार म्हटलं जात आहे.