Ambadas Danve, Eknath Shinde And Devendra fadnavis  saam tv
महाराष्ट्र

मुख्यमंत्री एकनाथ शिंदे बंडखोर आमदारांना, खासदारांना खूष करतात, अंबादास दानवेंचा सरकारवर हल्लाबोल

विधान परिषदेचे विरोधी पक्षनेते अंबादास दानवे यांनी मुख्यमंत्री एकनाथ शिंदे यांचा खरपूस समाचार घेतला आहे.

साम टिव्ही ब्युरो

संतोष जोशी

नांदेड : राज्यात एकनाथ शिंदे गटाने बंडाचं निशाण फडकावून भाजपच्या मदतीने सत्तांतर केलं. त्यानंतर स्थापन झालेल्या नवनिर्वाचीत शिंदे-फडणवीस सरकारवर (Uddhav Thackeray) शिवसेना पक्षप्रमुख उद्धव ठाकरे यांच्या गटाकडून जोरदार हल्लाबोल केला जात आहे. विधान परिषदेच्या विरोधी पक्षनेतेपदी शिवसेनेचे नेते अंबादास दानवे यांची नियुक्ती करण्यात आलीय. त्यानंतर दानवे यांनी मुख्यमंत्री एकनाथ शिंदे (Eknath Shinde) यांचा खरपूस समाचार घ्यायला सुरुवात केलीय. नांदेडच्या पत्रकार परिषदेत दानवे यांनी शिंदे यांच्यावर सडकून टीका केलीय. मुख्यमंत्री एकनाथ शिंदे बंडखोर आमदारांना, खासदारांना खूष करण्याचं काम करत आहेत. त्यांना शेतकऱ्यांच्या समस्यांबाबत काहीही घेणं देणं नाही, असं म्हणत दानवे (Ambadas Danve) यांनी शिंदे यांच्यावर हल्लाबोल केला आहे.

यावेळी अंबादास दानवे माध्यमांशी बोलताना म्हणाले, बंडखोर,गद्दार आमदार आणि खासदारांना खूष करण्याचं काम मुख्यमंत्री एकनाथ शिंदे करीत आहेत. त्यांना शेतकऱ्यांच्या प्रश्नाशी काही देणंघेणं नाही. शिंदे यांनी शेतकऱ्यांना नुकसानग्रस्त भागाची पाहणी करणार असल्याचं आश्वासन दिलं होतं. पंरतु, शिंदे त्या ठिकाणी आले नाहीत.

नांदेड, हिंगोली,परभणी जिल्ह्यात अतिवृष्टीमुळं नुकसान झालेल्या शेतकऱ्यांना तातडीने मदत देण्याची गरज होती, मात्र शिंदे-फडणवीस सरकारने शेतकऱ्यांना मदत केली नाही. आगामी होणाऱ्या पावसाळी अधिवेशनात शेतकऱ्यांचा आवाज पोहोचवू आणि त्यांना मदत मिळवून देऊ, असंही अश्वासन दानवे यांनी शेतकऱ्यांना दिलं आहे.

Edited By - Naresh Shende

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Anant Chaturdashi 2025 live updates : पुण्यातील पाचही मानाच्या गणपतीचे विसर्जन

राफेल विमान प्रतिकृतीतून लालबागच्या राजावर पुष्पवृष्टी; गणेश विसर्जन सोहळ्यात भक्तांचा उत्साह शिगेला|VIDEO

Chandragrahan 2025: चंद्रग्रहणाच्या वेळी गर्भवती महिलांनी काय करावे आणि काय टाळावे?

Aadhaar Verification : आधार कार्ड खरे की खोटे? फसवणुकीपासून सावध राहण्यासाठी आवश्यक टिप्स

Pune Ganpati Visarjan: पुण्यातील मानाच्या पाचही गणपतींचे भव्य विसर्जन संपन्न|VIDEO

SCROLL FOR NEXT