Solapur Political News :

लोकसभेच्या तोंडावर असताना महाविकास आघाडीमध्ये तीन ते चार जागांचा अद्याप तोडगा निघालेला नाही. तर दुसरीकडे महाविकास आघाडी आणि वंचित बहुजन आघाडीला अद्याप सोबत घेता आलेलं नाही. त्यामुळे वंचित या लोकसभेत कोणती भूमिका घेणार, हे २ एप्रिलला स्पष्ट होणार आहे. याचदरम्यान, वंचित बहुजन आघाडी सोलापुरात उमेदवार जाहीर करणार असल्याची माहिती मिळत आहे. वंचित आघाडीच्या उमेदवारामुळे काँग्रेसची डोकेदुखी वाढणार असल्याचं बोललं जात आहे.

मिळालेल्या माहितीनुसार, सोलापूर लोकसभा मतदारसंघात निवडणूक लढविण्यासाठी वंचित बहुजन आघाडीने जय्यत तयारी केली आहे. सध्या वंचित बहुजन आघाडीतील पदाधिकाऱ्यामध्ये सोलापूर लोकसभा मतदारसंघासाठी सात इच्छुकांच्या नावावर चर्चा होत आहे. सोलापुरात १९ एप्रिलनंतर प्रकाश आंबेडकरांची सभा होणार आहे.

मिळालेल्या माहितीनुसार, सोलापूर लोकसभा मतदारसंघात निवडणूक लढविण्यासाठी वंचित बहुजन आघाडीने जय्यत तयारी केली आहे. सध्या वंचित बहुजन आघाडीतील पदाधिकाऱ्यामध्ये सोलापूर लोकसभा मतदारसंघासाठी सात इच्छुकांच्या नावावर चर्चा होत आहे. सोलापुरात १९ एप्रिलनंतर प्रकाश आंबेडकरांची सभा होणार आहे.