पराग ढोबळे, साम टीव्ही

नागपूर : जागतिक स्तरावर सध्याची परिस्थिती पाहता इराण-इस्त्रायल युद्ध असो की रशिया-युक्रेन युद्ध असो. त्यामुळे कधीही जागतिक स्तरावर युद्ध पेटू शकते अशी परिस्थिती निर्माण होत असल्याची चिंता केंद्रीय मंत्री नितीन गडकरी यांनी व्यक्त केली. नागपुरात डिफेन्स संदर्भात लिहिलेल्या पुस्तक प्रकाशन सोहळ्यामध्ये केंद्रीय मंत्री नितीन गडकरी बोलत होते.

नितीन गडकरी यांच्या भाषणातील मुद्दे

संपूर्ण विश्वात संघर्षाचे वातावरण आहे. इराण इस्त्रायलमधील सुरू असलेले युद्ध युक्रेन-रशियाचा दरम्यान सुरू असलेले युद्ध या दोन्ही युद्धाच्या पार्श्वभूमीवर कधीही जागतिक स्तरावर युद्ध पेटू शकते अशी स्थिती निर्माण झालेली आहे.

या सगळ्या पार्श्वभूमीवर डिफेन्स स्तरावर मापदंड बदललेले आहे. रणगाडी आणि विमान याचा रिलिव्हन्स राहिलेला नसून मिसाईल आणि ड्रोन याचा मोठ्या प्रमाणात उपयोग होत आहे.

या नवीन विकसित तंत्रज्ञानामुळे युद्धाचे आयाम सुद्धा बदलले आहे. या सगळ्या परिस्थिती मानवतेचा रक्षण करणे कठीण आहे. मिसाईल हे नागरी वस्तीवर सुद्धा पडतात. जगासमोर गंभीर प्रश्न निर्माण झाले आहे. या सगळ्या प्रश्नांवर जागतिक स्तरावर चर्चा होणे गरजेचे आहे हे मार्गक्रम विनाशाकडे सुरू आहे.

सुपर पॉवरमध्ये अधिकारवादी आणि हुकूमशाही वृत्ती आहे. त्यामुळे समन्वय संवर्धन आणि प्रेम संपत चालले आहे.

संपूर्ण विश्वाला शांतीचा संदेश देणारे भूमी असताना आंतरराष्ट्रीय स्तरावर या घटनांचा मागोवा घेऊन चिंतन करून भविष्यातला धोरण निश्चित करण्याची गरज आहे.